മമ്മൂട്ടിയെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്ത ‘നന്പകല് നേരത്ത് മയക്കം’ ജനുവരി 19ന് പ്രദര്ശനത്തിനെത്തിയിരുന്നു. ഈ മാസം 23ന് നെറ്റ്ഫ്ലിക്സില് ചിത്രം റിലീസ് ചെയ്യും. ഹിന്ദി തെലുഗ് ഡബ്ബ് വേര്ഷനും ഉണ്ടാകും. ഇപ്പോള് ട്രെയ്ലര് പുറത്തുവിട്ടു
എഫ്. എഫ്.കെയില് ആദ്യമായി പ്രദര്ശിപ്പിച്ച നന്പകല് നേരത്ത് മയക്കം പ്രേക്ഷകരുടെ പ്രിയങ്കരമായ ചിത്രമായി മാറുകയും പ്രേക്ഷക സ്വീകാര്യതക്കുള്ള അവാര്ഡ് നേടുകയും ചെയ്തിരുന്നു. വ്യത്യസ്ത തലത്തിലുള്ള അവതരണവും കഥാപാത്ര സൃഷ്ടിയുമാണ് ചിത്രത്തിന്റെ പ്രത്യേകത.
മമ്മൂട്ടി അവതരിപ്പിക്കുന്ന ജെയിംസ് എന്ന കഥാപാത്രം അഭിനയത്തിന്റെ വിസ്മയ മുഹൂര്ത്തങ്ങള് സമ്മാനിക്കുന്ന ചിത്രം എല്ലാത്തരം പ്രേക്ഷകര്ക്കും തിയറ്ററില് ആസ്വദിക്കാന് പറ്റുന്ന ചിത്രമാണ്. മമ്മൂട്ടി കമ്ബനി നിര്മ്മിച്ച ആദ്യ ചിത്രം തിയറ്ററിലെത്തിക്കുന്നത് ദുല്ഖര് സല്മാന്റെ വേഫേറെര് ഫിലിംസ് ആണ്.