ന്യൂഡല്ഹി: ബഫര് സോണ് നടപ്പിലാക്കുമ്പോള് ജനങ്ങളെ കുടിയിറക്കില്ലെന്നും കൃഷി ഉള്പ്പെടെയുള്ള കാര്ഷികവൃത്തി വിലക്കില്ലെന്നും കേന്ദ്ര സര്ക്കാര്. കെ. മുരളിധരന് എംപിക്ക് നല്കിയ കത്തിലാണ് വനം പരിസ്ഥിതി മന്ത്രാലയത്തിന്റെ വിശദീകരണം.
ബഫര് സോണില് സംരക്ഷിത വനമേഖലയിലെ ഖനനത്തിനും, ക്വാറിക്കും, വന്കിട നിര്മ്മാണങ്ങള്ക്കും മാത്രമാണ് നിരോധനമേര്പ്പെടുത്തുകയെന്നാണ് കത്തില് വനം പരിസ്ഥിതി മന്ത്രാലയം ചൂണ്ടിക്കാട്ടിയിരിക്കുന്നത്. അടിസ്ഥാന സൗകര്യവുമായി ബന്ധപ്പെട്ട നിര്മ്മാണങ്ങള്ക്ക് നിബന്ധനകള് പ്രകാരം അനുവാദമുണ്ടെന്നും കേന്ദ്രം അറിയിച്ചിട്ടുണ്ട്.