പാലക്കാട്: സംസ്ഥാനത്തെ സ്വകാര്യ ബസുടമകള് സമരത്തിനൊരുങ്ങുന്നു. ഫിറ്റ്നസ് ടെസ്റ്റിന്റെ തുക കുറയ്ക്കാത്തതില് പ്രതിഷേധിച്ചാണ് സമരം. ഹൈക്കോടതി ഉത്തരവുണ്ടായിട്ടും മോട്ടോര് വാഹന വകുപ്പ് അധിക തുക ഈടാക്കുന്നു എന്നാണ് ബസുടമകളുടെ പരാതി.
അതേസമയം, ഫിറ്റ്നസ് ടെസ്റ്റിന്റെ തുക 1000 രൂപയില് നിന്ന് 13,500 ആക്കി ഉയര്ത്തിയതിനെതിരെ ബസുടമകള് ഹൈക്കോടതിയെ സമീപിക്കുകയും അധിക തുക ഈടാക്കരുതെന്ന് ഹൈക്കോടതി ഉത്തരവിറക്കുകയും ചെയ്തിരുന്നു. എന്നാല്, ആര്ടിഒമാര് ഇത് പാലിക്കുന്നില്ലെന്നാണ് സ്വകാര്യ ബസുടമകളുടെ പരാതി.