ന്യൂയോർക്ക്: ഇന്ത്യയ്ക്ക് പിന്തുണയുമായി റഷ്യ. യുഎൻ രക്ഷാസമിതിയിൽ സ്ഥിരാംഗമാകാനാണ് ഇന്ത്യയ്ക്ക് റഷ്യയ്ക്ക് പിന്തുണ നൽകിയത്. ന്യൂയോർക്കിൽ നടന്ന യുഎൻ ജനറൽ അസംബ്ലിയുടെ 77-ാമത് സെഷനിൽ നടത്തിയ പ്രസംഗത്തിലാണ് റഷ്യൻ വിദേശകാര്യ മന്ത്രി സെർജി ലാവ്റോവ് ഇന്ത്യയെ പിന്തുണച്ച് സംസാരിച്ചത്.
ആഫ്രിക്ക, ഏഷ്യ, ലാറ്റിനമേരിക്ക എന്നിവിടങ്ങളിൽ നിന്നുള്ള രാജ്യങ്ങളുടെ പ്രാതിനിധ്യം ഉൾപ്പെടുത്തി സുരക്ഷാ കൗൺസിലിനെ കൂടുതൽ ജനാധിപത്യപരമാക്കാൻ കഴിയുമെന്ന് അദ്ദേഹം പറഞ്ഞു. യുഎൻഎസ്സിയിൽ സ്ഥിരാംഗത്വത്തിനായി കണക്കാക്കേണ്ട ചില രാജ്യങ്ങളായി ഇന്ത്യയെയും ബ്രസീലിനെയും റഷ്യൻ വിദേശകാര്യ മന്ത്രി നിർദ്ദേശിക്കുകയും ചെയ്തു.
ഇന്ത്യയും മറ്റ് 31 രാജ്യങ്ങളും അതിന്റെ പ്രവർത്തന രീതികളിൽ പരിഷ്കാരങ്ങൾ ആവശ്യപ്പെട്ടിരുന്നു. ഇത് ഈ ബോഡിയെ കൂടുതൽ പ്രാതിനിധ്യവും നിയമാനുസൃതവും ഫലപ്രദവുമാക്കുന്നതിന് അത്യന്താപേക്ഷിതമാണ്. യുക്രൈനിലെ റഷ്യൻ നിയന്ത്രിത പ്രദേശങ്ങളിൽ അവയെ റഷ്യൻ ഫെഡറേഷനോട് ചേർക്കാനായി നടക്കുന്ന ഹിതപരിശോധനയെ കുറിച്ചും ലാവ്രോവ് വിശദീകരിച്ചു.