ന്യൂഡൽഹി: ബിഎസ്എഫിൽ ഒഴിവുകൾ. 1312 ഹെഡ് കോൺസ്റ്റബിൾ (റേഡിയോ ഓപ്പറേറ്റർ), ഹെഡ് കോൺസ്റ്റബിൾ (റേഡിയോ മെക്കാനിക്ക്) തസ്തികകളിലേക്ക് അപേക്ഷ സമർപ്പിക്കാം. സെപ്തംബർ 19 ആണ് അപേക്ഷ സമർപ്പിക്കാനുള്ള അവസാന തീയതി. rectt.bsf.gov.in എന്ന വെബ്‌സൈറ്റ് വഴിയാണ് അപേക്ഷ നൽകേണ്ടത്.
ഹെഡ് കോൺസ്റ്റബിൾ (റേഡിയോ ഓപ്പറേറ്റർ) – HC-RO തസ്തികയിൽ 982 ഒഴിവുകളാണുള്ളത്. 25500 – 81100/ ആണ് പേ സ്‌കെയിൽ. ഹെഡ് കോൺസ്റ്റബിൾ (റേഡിയോ മെക്കാനിക്ക്) – HC-RM തസ്തികയിൽ 33 ഒഴിവുകളുണ്ട്. HC-RO ഉദ്യോഗാർത്ഥി പത്താം ക്ലാസ് അല്ലെങ്കിൽ മെട്രിക്കുലേഷൻ പാസ്സായിരിക്കണം. റേഡിയോ ആന്റ് ടെലിവിഷൻ, ഇലക്ട്രോണിക്സ്, COPA, ജനറൽ ഇലക്ട്രോണിക്സ്, ഡേറ്റ എൻട്രി ഓപ്പറേറ്റർ എന്നിവയിലേതിലെങ്കിലും ഐടിഐ സർട്ടിഫിക്കറ്റ് ഉണ്ടായിരിക്കണം. അല്ലെങ്കിൽ ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങളിൽ 60 ശതമാനം മാർക്കോടെ പന്ത്രണ്ടാം ക്ലാസ് പാസ്സായിരിക്കണം.
HC (RM): ഉദ്യോഗാർത്ഥി റേഡിയോ, ടെലിവിഷൻ, ഇലക്ട്രോണിക്സ്, ഫിറ്റർ, COPA, കമ്പ്യൂട്ടർ സോഫ്റ്റ് വെയർ, ജനറൽ ഇലക്ട്രോണിക്സ്, കമ്പ്യൂട്ടർ ഹാർഡ്വെയർ, നെറ്റ്വർക്ക് ടെക്നീഷ്യൻ, ഡേറ്റ എൻട്രി ഓപ്പറേറ്റർ എന്നിവയിൽ ഏതെങ്കിലും ഒന്നിൽ ഐടിഐ സർട്ടിഫിക്കറ്റ് നേടിയിരിക്കണം. പത്താം ക്ലാസ് അല്ലെങ്കിൽ മെട്രിക്കുലേഷൻ വിജയവും കെമിസ്ട്രിയും മാത്തമാറ്റിക്‌സും 60 ശതമാനം മാർക്കോടെ പന്ത്രണ്ടാം ക്ലാസ് പാസ്സാകുകയും വേണം.