കോഴിക്കോട്: കോഴിക്കോട് ജില്ലയിലെ ഫിഷിങ് ഹാർബറുകൾ കേന്ദ്രീകരിച്ച് രൂപീകരിക്കുന്ന സീ റസ്‌ക്യൂ സ്‌ക്വാഡിലേക്ക് അപേക്ഷ ക്ഷണിച്ചു. 9 മാസത്തെ കരാർ അടിസ്ഥാനത്തിൽ 18,000 രൂപ ശമ്പളം നിരക്കിൽ 4 ഹാർബറുകളിൽ ആയി 20 ഒഴിവുകളാണ് ഉളളത്. യോഗ്യത: കേരള മത്സ്യത്തൊഴിലാളി ക്ഷേമനിധി ബോർഡിൽ അംഗത്വം ഉണ്ടായിരിക്കണം.
ഗോവ നാഷണൽ ഇൻസ്റ്റിറ്റ്യൂട്ട് ഓഫ് വാട്ടർ സ്പോർട്സിൽ നിന്നും ട്രെയിനിങ് പൂർത്തിയായിരിക്കണം. 20 വയസിനും 45 വയസിനും മദ്ധ്യേ പ്രായമുള്ളവരായിരിക്കണം. കടലിൽ നീന്താൻ ക്ഷമതയുള്ളവരായിരിക്കണം.
മുൻഗണന: സീ റസ്‌ക്യൂ സ്‌ക്വാഡ് ലൈഫ് ഗാർഡായി ജോലി ചെയ്തിട്ടുളള പ്രവൃത്തി പരിചയം. 2018 ലെ പ്രളയാ രക്ഷാപ്രവർത്തനത്തിൽ പങ്കെടുത്തവർ, അതത് ജില്ലയിലെ താമസക്കാർ, ഉയർന്ന വിദ്യാഭ്യാസ യോഗ്യത, അത്യാധുനിക കടൽ രക്ഷാ ഉപകരണങ്ങൾ പ്രവർത്തിപ്പിക്കാനുളള പ്രാവീണ്യം. ഉദ്യോഗാർത്ഥികൾ സെപ്തംബർ 14 ന് രാവിലെ 10 മണിക്ക് കോഴിക്കോട് വെസ്റ്റ്ഹില്ലിലെ ഫിഷറീസ് ഡെപ്യൂട്ടി ഡയറക്ടറുടെ ഓഫീസിൽ വാക്ക് ഇൻ ഇന്റർവ്യൂയിൽ പങ്കെടുക്കേണ്ടതാണ്. ഫോൺ: 0495 2383780.