തിരുവനന്തപുരം: ഷാജി കൈലാസിന്റെ സംവിധാനത്തില് പൃഥ്വിരാജ് നായകനായ കടുവ എന്ന ചിത്രത്തില് ഭിന്നശേഷിക്കാരെ അവഹേളിച്ചെന്ന പരാതിയില് സംവിധായകന്, നിര്മാതാക്കളായ സുപ്രിയ മേനോന്, ലിസ്റ്റിന് സ്റ്റീഫന് എന്നിവര്ക്ക് നോട്ടീസ് അയയ്ക്കാന് സംസ്ഥാന ഭിന്നശേഷി കമ്മീഷണര് എസ്.എച്ച് പഞ്ചാപകേശന്റെ ഉത്തരവ്.
ഭിന്നശേഷിയുള്ള കുട്ടികള് ജനിക്കുന്നത് അവരുടെ മാതാപിതാക്കള് ചെയ്ത പാപത്തിന്റെ ഫലമാണ് എന്ന സംഭാഷണം 2016-ലെ ഭിന്നശേഷി അവകാശനിയമം 92-വകുപ്പ് പ്രകാരമുള്ള കുറ്റകൃത്യമാണെന്ന് ചൂണ്ടിക്കാട്ടി പരിവാര് കേരള എന്ന ഭിന്നശേഷി സംഘടന ജനറല് സെക്രട്ടറി ആര്. വിശ്വനാഥനാണ് പരാതി നല്കിയത്.
അതേസമയം, സിംഹാസനം എന്ന ചിത്രത്തിന് ശേഷം പൃഥ്വിരാജ്-ഷാജി കൈലാസ് ടീം ഒന്നിക്കുന്ന ചിത്രമാണ് കടുവ. ജിനു വി എബ്രഹാമിന്റേതാണ് തിരക്കഥ.