ഫറ്റോര്ഡ: ഐഎസ്എല്ലില് ചെന്നൈയിനെതിരെ ഒരു ഗോളിന് മുംബൈക്ക് ജയം. വിക്രം പ്രതാപ് സിംഗ് ആണ് മുംബൈയുടെ ഗോള് നേടിയത്. അതോടെ, 14 മത്സരങ്ങളില് 22 പോയിന്റുമായി മുംബൈ അഞ്ചാം സ്ഥാനത്തെത്തി. ചെന്നൈ ഏഴാം സ്ഥാനത്താണ്. 15 മത്സരങ്ങളില് 19 പോയിന്റാണ് അവര്ക്കുള്ളത്.
നിലവിലെ ചാമ്പ്യന്മാരായ മുംബൈക്ക് തന്നെയായിരുന്നു മത്സരത്തില് ആധിപത്യം. കൂടുതല് ഷോട്ടുകളുതിര്ത്തതും മുംബൈ ആയിരുന്നു. എന്നാല് ആദ്യ പകുതിയില് ഗോള് നേടാന് അവര്ക്ക് സാധിക്കാതെ വന്നു. മറുവശത്ത് ചെന്നൈ ചില ഒറ്റപ്പെട്ട മുന്നേറ്റങ്ങള് നടത്തി. എന്നാല് 85-ാം മിനിറ്റില് വിക്രം പ്രതാപിലൂടെ മുംബൈ വിജയമുറപ്പിച്ചു.