2022-23 സാമ്പത്തിക വര്ഷത്തെ കേന്ദ്ര ബജറ്റ് ധനകാര്യ മന്ത്രി നിര്മല സീതാരാമന് അവതരിപ്പിക്കെ ‘യൂണിയന് ബജറ്റ്’ എന്ന ആപ്പ് വഴി ബജറ്റിന്റെ എല്ലാ അപ്ഡേറ്റുകളും നമുക്ക് ലഭ്യമാകും. ഈ ആപ്പ് ആന്ഡ്രോയിഡ്, ഐഒഎസ് ഡിവൈസുകളില് ഡൗണ്ലോഡ് ചെയ്യാനായി ലഭ്യമാണ്. ബജറ്റുമായി ബന്ധപ്പെട്ട രേഖകള് പൊതുജനങ്ങള്ക്കും എംപിമാര്ക്കും പേപ്പറിലാണ് ലഭ്യാക്കാറുള്ളത്. എന്നാല് ഇത്തവണ ഇത് ആപ്പിലൂടെ ആയിരിക്കും ലഭ്യമാകുക. ബജറ്റ് പാര്ലമെന്റില് അവതരിപ്പിച്ചതിന് ശേഷം ആപ്പില് ലഭ്യമാകും. ഈ ആപ്പിലൂടെ പൊതുജനങ്ങള്ക്കും ബജറ്റുമായി ബന്ധപ്പെട്ട വിവരങ്ങള് എളുപ്പത്തില് ആക്സസ് ചെയ്യാന് സാധിക്കും.
പുതിയ യൂണിയന് ബജറ്റ് മൊബൈല് ആപ്പ് ഇംഗ്ലീഷിലും ഹിന്ദിയിലും ലഭ്യമാണ്. ആപ്പ് ഡൗണ്ലോഡ് ചെയ്യുന്നതിന് മുമ്പ് അത് നാഷണല് ഇന്ഫോര്മാറ്റിക്സ് സെന്റര് പുറത്ത് വിട്ട ആപ്പ് ആണെന്ന കാര്യം ഉറപ്പ് വരുത്തണം. ഇത് ആപ്പ് സ്റ്റോറിലും പ്ലേ സ്റ്റോറിലും കാണാം. പുതിയ കേന്ദ്ര ബജറ്റ് മൊബൈല് ആപ്പ് ഔദ്യോഗിക യൂണിയന് ബജറ്റ് വെബ് പോര്ട്ടലില് നിന്നും ഡൗണ്ലോഡ് ചെയ്യാവുന്നതാണെന്ന് ധനകാര്യ മന്ത്രാലയം വ്യക്തമാക്കിയിട്ടുണ്ട്. ബജറ്റുമായി ബന്ധപ്പെട്ട രേഖകള് ഈ പോര്ട്ടല് വഴി പൊതുജനങ്ങള്ക്ക് ഡൗണ്ലോഡ് ചെയ്യാനും സംവിധാനം ഉണ്ട്.
യൂണിയന് ബജറ്റ് ആപ്പ് എങ്ങനെ ഡൗണ്ലോഡ് ചെയ്യാം?
ഘട്ടം 1: നിങ്ങള് ഉപയോഗിക്കുന്ന മൊബൈലിനെ അടിസ്ഥാനമാക്കി നിങ്ങളുടെ സ്മാര്ട്ട്ഫോണില് ഗൂഗിള് പ്ലേ സ്റ്റോര് അല്ലെങ്കില് ആപ്പിള് ആപ്പ് പ്ലേ സ്റ്റോര് ഓപ്പണ് ചെയ്യുക
ഘട്ടം 2: യൂണിയന് ബജറ്റ് മൊബൈല് ആപ്പ് സെര്ച്ച് ചെയ്യുക
ഘട്ടം 3: എന്ഐസി e-gov മൊബൈല് ആപ്പുകളില് യൂണിയന് ബജറ്റ് ആപ്പ് തിരഞ്ഞെടുത്ത് ഇന്സ്റ്റാള് ഓപ്ഷനില് ക്ലിക്ക് ചെയ്യുക.