സൂപ്പര് ഹീറോ ‘മിന്നല് മുരളി’ എല്ലാ മേഖലകളിലും തരംഗമായി മാറിയിരിക്കുകയാണ് ഇപ്പോള്. ഈ അവസരത്തില് മോട്ടോര് വാഹന വകുപ്പിന്റെ ഒരു വാര്ണിങ് പരസ്യമാണ് ശ്രദ്ധനേടുന്നത്. സ്പീഡില് പോകുന്ന വാഹനങ്ങളെയും ആളുകളെയും പിടിക്കാന് എംവിഡിയുടെ പുതിയ പദ്ധതിയുടെ പരസ്യം ഇപ്പോള് സോഷ്യല് മീഡിയയില് വൈറലായി കഴിഞ്ഞു.
മിന്നല് മുരളിയുടെ കോസ്റ്റ്യൂം അണിഞ്ഞ് ടൊവിനോ തന്നെയാണ് പരസ്യത്തില് അഭിനയിച്ചിരിക്കുന്നത്. പരിധിയില് കൂടുതല് വേഗത്തില് പോകുന്നവരെ കണ്ടെത്താനുള്ള ഒരു ഉപകരണവും ഉണ്ട്. ഈ ഉപകരണം ഉപയോഗിച്ച് നിയമം ലംഘിക്കുന്നവരെ പിടിക്കൂടുകയും ശിക്ഷിക്കുകയും ചെയ്യും. അത്തരത്തില് പിടിക്കപ്പെടുന്നവര്ക്ക് റിയല് ഹീറോസ് ഗോ സ്ലോ എന്ന ഒരു ടീഷര്ട്ടു നല്കും.
‘മിന്നല് മുരളിയെ തോല്പ്പിക്കാനാവില്ല മക്കളെ’ എന്ന് കുറിച്ചു കൊണ്ടാണ് ടൊവിനോ ഈ വീഡിയോ സോഷ്യല് മീഡിയയില് ഷെയര് ചെയ്തിരിക്കുന്നത്. മിന്നല് തരംഗം, ആരും ഇനി മിന്നല് ആകരുത്, എന്നിങ്ങനെ വിവിധ കമന്റുകളാണ് വീഡിയോയ്ക്ക് താഴെ വരുന്നത്.