തിരുവനന്തപുരം: ഒമിക്രോണ് സാഹചര്യത്തില് സംസ്ഥാനത്ത് കര്ശന വ്യവസ്ഥകള് നടപ്പാക്കാനൊരുങ്ങി ആരോഗ്യ വകുപ്പ് മന്ത്രി വീണാ ജോര്ജ്. സ്വയം നിരീക്ഷണത്തിലെ വ്യവസ്ഥകള് എല്ലാവരും കൃത്യമായി പാലിക്കണമെന്നും, സാമൂഹിക ഇടപെടലുകള്, ആള്ക്കൂട്ടങ്ങളുള്ള സ്ഥലങ്ങള്, തിയേറ്ററുകള്, മാളുകള് എന്നിവ സന്ദര്ശിക്കുന്നത് ഒഴിവാക്ക ണമെന്നും മന്ത്രി പറഞ്ഞു.
എറണാകുളത്ത് ഇന്നലെ ഒമിക്രോണ് സ്ഥിരീകരിച്ചയാള് കോങ്കോയില് നിന്നും വന്നതാണ്. ഹൈ റിസ്ക് രാജ്യമല്ലാത്തതിനാല് കേന്ദ്ര മാര്ഗ നിര്ദ്ദേശമനുസരിച്ച് സ്വയം നിരീക്ഷണമായിരുന്നു അനുവദിച്ചത്. എന്നാല്, ഇദ്ദേഹം ധാരാളം ആളുകളെത്തുന്ന ഷോപ്പിങ് മാളിലും റസ്റ്റോറന്റുകളിലും ഉള്പ്പെടെ പോയിരുന്നു. അതിനാല് തന്നെ ഇദ്ദേഹത്തിന്റെ സമ്പര്ക്ക പട്ടിക താരതമ്യേന വലുതാണ്. റൂട്ട് മാപ്പ് പ്രസിദ്ധീകരിക്കും. സമ്പര്ക്ക പട്ടികയിലുള്ളവര് ആരോഗ്യ വകുപ്പുമായി ബന്ധപ്പെടേണ്ടതാണ്. എല്ലാ ജില്ലകളും ജാഗ്രത പാലിക്കണമെന്നും മന്ത്രി വ്യക്തമാക്കി.
രോഗികള് കൂടുന്ന സാഹചര്യമുണ്ടായാല് ഐസൊലേഷന് വാര്ഡുകള് ജില്ലകള് സജ്ജമാക്കിയിട്ടുണ്ട്. ആവശ്യമുള്ളവര്ക്ക് സ്വകാര്യ ആശുപത്രികളിലും ചികിത്സയില് കഴിയാവുന്നതാണ്. ഒമിക്രോണ് സാഹചര്യത്തില് വാക്സിനേഷന് ഡ്രൈവ് ശക്തിപ്പെടുത്താനും യോഗം തീരുമാനിച്ചു. നാളെയും മറ്റന്നാളും സംസ്ഥാനത്ത് പ്രത്യേക വാക്സിനേഷന് യജ്ഞം സംഘടിപ്പിക്കുമെന്നും മന്ത്രി അറിയിച്ചു.