രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസനും വിഷ്ണുവര്ദ്ധനും ആദ്യമായി ഒന്നിക്കുന്ന ചിത്രം അടുത്ത വര്ഷം മദ്ധ്യത്തില് ചിത്രീകരണം ആരംഭിക്കും.
ലോകേഷ് കനകരാജിന്റെ വിക്രം പൂര്ത്തിയാക്കിയ ശേഷമാവും കമല്ഹാസന് വിഷ്ണുവര്ദ്ധന് സംവിധാനം ചെയ്യുന്ന ചിത്രത്തില് അഭിനയിക്കുക. ഒരു അധോലോക രാജാവിന്റെ കഥയാണ് കമല്ഹാസനുവേണ്ടി വിഷ്ണുവര്ദ്ധന് ഒരുക്കുന്നതെന്നാണ് റിപ്പോര്ട്ടുകള്.
സന്തോഷ് ശിവന്റെ ശിഷ്യനായി രംഗത്തു വന്ന വിഷ്ണുവര്ദ്ധന് കുറുമ്പു എന്ന ചിത്രത്തിലൂടെയാണ് സംവിധായകനായി അരങ്ങേറ്റം കുറിച്ചത്. അജിത്തിനെ നായകനായി ഒരുക്കിയ ബില്ല ഇരുവരുടെയും കരിയറില് വഴിത്തിരിവാകുകയും ചെയ്തു. അജിത്തിന്റെ അഭിനയജീവിതത്തിലെ മികച്ച കഥാപാത്രങ്ങളിലൊന്നാണ് ബില്ലയിലെ അധോലോക നായകന് ഡേവിഡ് ബില്ല. വിഷ്ണുവര്ദ്ധന് സംവിധാനം ചെയ്ത് അജിത്, നയന്താര, ആര്യ, തപ്സി പന്നു എന്നിവര് പ്രധാന വേഷങ്ങളില് എത്തിയ ആരംഭവും മികച്ച വിജയം നേടി. സിദ്ധാര്ത്ഥ് മല്ഹോത്രയും കിയാര അദ്വാനിയും കേന്ദ്ര കഥാപാത്രങ്ങളെ അവതരിപ്പിച്ച ഷേര്ഷയാണ് വിഷ്ണുവര്ദ്ധന് അവസാനം സംവിധാനം ചെയ്തത്.