ഡിസംബര് രണ്ടിന് റിലീസ് ചെയ്യാന് പോകുന്ന മോഹന്ലാല് ചിത്രം ‘മരക്കാര് അറബിക്കടലിന്റെ സിംഹം’ ലോകം മുഴുവനുമായി റിലീസ് ചെയ്യുന്നത് 3300 സ്ക്രീനുകളില്. റിലീസ് ദിവസം തന്നെ ഏകദേശം 50 കോടിയോളം രൂപയുടെ ബിസിനസ്സ് ഈ ചിത്രം നടത്തുമെന്നാണ് തിയേറ്ററുമായി ഒപ്പു വെച്ച കരാറുകള് കാണിക്കുന്നത്. മലയാള സിനിമയുടെ തന്നെ ചരിത്രത്തിലെ ഏറ്റവും വലിയ കച്ചവടമാണിത്.
12,700 ഇല് കൂടുതല് ഷോകള് ആണ് ആദ്യ ദിനം മരക്കാര് കളിക്കുക. കേരളത്തില് 600 സ്ക്രീനുകളിലാണ് ചിത്രം റിലീസ് ചെയ്യുന്നത്. ചിത്രം തമിഴ്, തെലുങ്ക്, കന്നഡ, ഹിന്ദി ഭാഷകളിലും റിലീസ് ചെയ്യുന്നുണ്ട്. നാലു ഷോ വീതം പരിഗണിച്ചാല് പോലും 25 ലക്ഷത്തിലേറെ പേര് ആദ്യദിവസം സിനിമ കാണും. ഇതില് നിന്നായി 50 കോടിയോളം രൂപ യുടെ വരുമാനം പ്രതീക്ഷിക്കുന്നുണ്ട്. ഇന്ത്യക്കു പുറത്തു 1500 ഓളം സ്ക്രീനുകളില് ചിത്രം പ്രദര്ശിപ്പിക്കും. നവംബര് മുപ്പതു വരെ ചിത്രത്തിന്റെ ചാര്ട്ടിങ് നടക്കും എന്നതാണ് കാരണം.
കഥയിലെ പ്രധാന കഥാപാത്രങ്ങളിലൊന്ന് ചൈനീസ് ബന്ധമുള്ള കഥാപാത്രമാണ്. അതുകൊണ്ടു തന്നെ ചൈനീസ് വംശജരുടെ സാന്നിധ്യമുള്ള പ്രദേശങ്ങളില് സിനിമക്ക് കൂടുതല് മാര്ക്കറ്റുണ്ട്.