ദിനംപ്രതി പുത്തന് ഫീച്ചറുകള് ചേര്ത്തും നിലവിലുള്ളവ മെച്ചപ്പെടുത്തിയും വാട്ട്സ്ആപ്പ് അതിന്റെ പ്ലാറ്റ്ഫോം നിരന്തരം അപ്ഡേറ്റ് ചെയ്തു കൊണ്ടിരിക്കുകയാണ്. പുതിയതായി അഞ്ച് ഫീച്ചറുകളാണ് വാട്സ്ആപ്പ് പരിചയപ്പെടുത്താന് പോകുന്നത്. ഇത് വാട്ട്സ്ആപ്പിന്റെ നിലവിലുള്ള ഡെസ്ക്ടോപ്പ് അപ്ലിക്കേഷനിലെ എല്ലാ സവിശേഷതകളും ഉപയോഗിക്കാന് ഉപയോക്താക്കളെ പ്രാപ്തമാക്കും. ഏതൊക്കെയാണെന്ന് നോക്കാം…
വോയ്സ് റെക്കോര്ഡിംഗിങ്ങില് പോസ്/ റെസ്യും ബട്ടണ്
പുതിയ അപ്ഡേറ്റ് വോയ്സ് റെക്കോര്ഡിംഗുകള് താല്ക്കാലികമായി നിര്ത്തി പുനരാരംഭിക്കാനുള്ള സാധ്യത നല്കുന്നു. വാട്ട്സ്ആപ്പില് ഒരു വോയ്സ് നോട്ട് റെക്കോര്ഡ് ചെയ്യുമ്പോള് ഡിലീറ്റ്, സെന്ഡ് ബട്ടണുകളുടെ മധ്യത്തില് പുതിയ പോസ്/റെസ്യൂം ബട്ടണ് ദൃശ്യമാകും.
പുതിയ ഗ്രൂപ്പ് ഐക്കണ്
നിലവില്, ഡിഫോള്ട്ട് ഗ്രൂപ്പ് ഐക്കണില് മൂന്ന് പേര് ഉള്പ്പെടുന്നുണ്ട്. ഇപ്പോഴിതാ രണ്ടു പേരാക്കി മാറ്റിയിരിക്കുകയാണ് കമ്പനി. ഇതൊരു അപ്രധാനമായ മാറ്റമാണെന്ന് തോന്നുമെങ്കിലും, ഇത് കമ്മ്യൂണിറ്റികള് വികസിപ്പിക്കുന്നതിലേക്കുള്ള ഒരു ചുവടുവയ്പായിരിക്കുമെന്നാണ് റിപ്പോര്ട്ട്.
മാക്ക് ഒഎസ് കാറ്റലിസ്റ്റ് ആപ്പ്
ആപ്പിളിന്റെ ഐപാഡിനായി വാട്ട്സ്ആപ്പ് ഒരു പ്രത്യേക ആപ്ലിക്കേഷനില് പ്രവര്ത്തിക്കുന്നുണ്ടെന്ന് പറയപ്പെടുന്നു. ആപ്പിളിന്റെ കാറ്റലിസ്റ്റ് പ്രോജക്റ്റ്, യുഐ മാറ്റങ്ങള് ഉള്ക്കൊള്ളുന്നതിനായി ചില ചെറിയ മാറ്റങ്ങളോടെ ഐഫോണ്, ഐപാഡ്, മാക്ക് എന്നിവയില് ഉപയോഗിക്കാനാകുന്ന ഒരൊറ്റ ആപ്പ് ആയി വികസിപ്പിക്കാന് ഡെവലപ്പര്മാരെ പ്രാപ്തരാക്കുന്നു. ഇപ്പോഴിതാ വാട്ട്സ്ആപ്പും ഇത്തരമൊരു ശ്രമത്തിലാണ്. മള്ട്ടി-ഡിവൈസ് ഫംഗ്ഷണാലിറ്റിയെ പിന്തുണയ്ക്കുന്ന ഈ പുതിയ ആപ്പ്, വൈകാതെ പുറത്തിറക്കാന് സാധ്യതയുണ്ടെന്നും റിപ്പോര്ട്ടുകള് സൂചിപ്പിക്കുന്നു
അറിയപ്പെടാത്ത ബിസിനസ്സ് അക്കൗണ്ടുകള്
ഈ പുതിയ ഫീച്ചര്, ബിസിനസ്സ് അക്കൗണ്ട് അവരുടെ കോണ്ടാക്റ്റ് ലിസ്റ്റില് സേവ് ചെയ്തിട്ടില്ലെന്ന് ഉപയോക്താക്കളെ അറിയിക്കുന്ന ഒരു സന്ദേശം ചാറ്റിന്റെ ചുവടെ കാണിക്കുന്നു. ഉപയോക്താക്കള്ക്ക് ഒന്നുകില് അവരുടെ കോണ്ടാക്റ്റ് ലിസ്റ്റിലേക്ക് ബിസിനസ് ചേര്ക്കാനോ അവരെ ബ്ലോക്ക് ചെയ്യാനോ കഴിയും.