തിരുവനന്തപുരം: സംസ്ഥാനത്തെ തീയറ്റര് ഉടമകളുടെ ആവശ്യങ്ങളില് തീരുമാനം പിന്നീടെന്ന് മന്ത്രി സജി ചെറിയാന്. തീയറ്റര് സംഘടനകളുമായി നടത്തിയ ചര്ച്ചയില് അവര് മുന്നോട്ട് വെച്ച് ആവശ്യങ്ങള് മുഖ്യമന്ത്രിയുമായി ചര്ച്ച ചെയ്തു. മുഖ്യമന്ത്രിക്ക് അനുഭാവപൂര്ണമായ സമീപനമാണുണ്ടായത് എന്നും സാംസ്കാരിക വകുപ്പ് മന്ത്രി അറിയിച്ചു.
തീയറ്റര് ഉടമകള് മുന്നോട്ട് വെച്ച ആവശ്യങ്ങള് പരിഗണിക്കാന് വകുപ്പ് മന്ത്രിമാരുമായി വീണ്ടും യോഗം ചേരും. ഇതിനായി ധന-തദ്ദേശ-വൈദ്യുതി-ആരോഗ്യ വകുപ്പുകളിലെ മന്ത്രിമാരുമായി യോഗം ചേരും.ഇതിന് ശേഷമായിരിക്കും തീരുമാനം. സംഘടനകള് മുന്നോട്ടുവച്ച നിര്ദേശങ്ങള് പരിഗണിക്കും.സംസ്ഥാന സര്ക്കാരിന്റേത് സിനിമാ വ്യവസായത്തെ സഹായിക്കുന്ന സമീപനമാണെന്നും മന്ത്രി സജി ചെറിയാന് വ്യക്തമാക്കി.
തീയറ്റര് ഉടമകളുടെ ആവശ്യമനുസരിച്ച് ഈ മാസം 22നാണ് സംഘടനാ ഭാരവാഹികളുമായി ചര്ച്ച നടത്തിയത്. അന്ന് ഉടമകള് മുന്നോട്ട് വെച്ച ആവശ്യങ്ങളാണ് ഇന്ന് മുഖ്യമന്ത്രിയുമായി നടത്തിയ ചര്ച്ചയില് അവതരിപ്പിച്ചത്.