കൊച്ചി: എസ്.ഐയെ കൊണ്ട് സല്യൂട്ട് അടിപ്പിച്ച് നടനും എംപിയുമായ സുരേഷ്ഗോപിക്കെതിരെ സ്്ക്രീന്ഷോട്ട് പങ്കുവെച്ച് വിമര്ശനവുമായി നടന് വിനായകന്. ഗൂഗിളില് നടനും എം.പിയുമായ സുരേഷ് ഗോപിയെ സെര്ച്ച് ചെയ്യുമ്പോള് ലഭിക്കുന്ന റിസള്ട്ടിന്റെ സ്ക്രീന്ഷോട്ട് ഫേസ്ബുക്കില് പങ്കുവെച്ചായിരുന്നു വിനായകന്റെ വിമര്ശനം. ‘പൊലീസിനെ കൊണ്ട് നിര്ബന്ധിച്ച് സല്യൂട്ട് വാങ്ങിച്ച് സുരേഷ് ഗോപി’ എന്ന തെരച്ചില് ഫലത്തിന്റെ സ്ക്രീന് ഷോട്ടാണ് താരം പോസ്റ്റ് ചെയ്തത്.
അതേസമയം, പോസ്റ്റിനെതിരെ കടുത്ത വിമര്ശനങ്ങളും കമന്റായി വരുന്നുണ്ട്. അഞ്ചാറ് സിനിമയില് അഭിനയിച്ചു പത്തു കാശ് ആയപ്പോ ലുമിയര് സഹോദരന്മാരും ജെ സി ഡാനിയേളും ഒക്കെ സ്വന്തം അളിയന്മാരായി എന്നായിരിക്കും വിചാരം..കഷ്ടപ്പെടുന്ന കാലത്തും സുരേഷ്ഗോപി ചെയ്യുന്ന കാരുണ്യ പ്രവര്ത്തനങ്ങള് സ്വപ്നത്തിലെങ്കിലും കാണാന് തനിക്കു കഴിഞ്ഞിട്ടില്ലല്ലോ. ഇന്നലെ പെയ്ത മഴയില് കുരുത്ത വെറും തകര ആണ് വിനായകന് എന്ന നടന്.ഇപ്പൊ നിങ്ങളെ സ്തുതിക്കുന്ന ടീമുകള് തന്നെ നാളെ നിങ്ങളെ തെറിവിളിക്കുന്നതും കാണാം… കര്മം എന്നാല് സുമ്മാവ…ബൂമറങ് പോലെ വന്തിടും.. നിശ്ചയമെന്നായിരുന്നു ഒരാളുടെ കമന്റ്.
വിവാദമാകുന്ന സംഭവങ്ങളില് നേരിട്ട് പ്രതികരണം പറയാതെ ഇത്തരത്തില് സ്ക്രീന് ഷോട്ടുകള് പങ്കുവെക്കുന്നത് വിനായകന്റെ രീതിയാണ്. തന്റെ സ്ക്രീന്ഷോട്ട് മാധ്യമങ്ങള് വാര്ത്തയാക്കുമ്പോള് ആ വാര്ത്തയുടെ സ്ക്രീന് ഷോട്ടും താരം പോസ്റ്റു ചെയ്യാറുണ്ട്.