പുതിയ സ്മാര്ട് ഗ്ളാസ് അവതരിപ്പിക്കാനൊരുങ്ങി ഷവോമി. ഷവോമി 11ടി, ഷവോമി 11ടി പ്രോ എന്നീ സ്മാര്ട് ഗ്ലാസുകള് നാളെ വിപണിയിലെത്തുകയെന്ന് കമ്പനി അറിയിച്ചു. മൈക്രോ എല്ഇഡി ടെക്നോളജിയാണ് കണ്ണടയുടെ രൂപമുളള സ്മാര്ട് ഗ്ളാസിനുളളത്. 0.13 ഇഞ്ച് മൈക്രോ എല്ഇഡി ഡിസ്പ്ളേയുളള കണ്ണടയ്ക്ക് 51 ഗ്രാമാണ് ഭാരം.
മെസ്സേജുകളും നോട്ടിഫിക്കേഷനുകളും കാണാനും, കോള് ചെയ്യാനും, ചിത്രങ്ങളെടുക്കാനും, പരിഭാഷപ്പെടുത്താനും മാത്രമല്ല സഞ്ചാരികള്ക്ക് വഴി കണ്ടെത്താനും ഈ സ്മാര്ട് ഗ്ളാസിലൂടെ സാധിക്കും. സിയാവൊ എഐ വോയിസ് അസിസ്റ്റന്റ് വഴിയാണ് വാചകങ്ങള് സ്മാര്ട്ട് ഗ്ളാസ് പരിഭാഷപ്പെടുത്തുക. 5 മെഗാപിക്സല് ക്യാമറയാണ് ഇതിനുളളത്. വൈഫൈ ബ്ളൂടൂത്ത് സംവിധാനവും ഇതിലുണ്ട്.
ഒപ്റ്റിക്കല് വേവ്ഗൈഡ് ലെന്സിന്റെ മൈക്രോസ്കോപ്പിക് ഗ്രേറ്റിംഗ് സ്ട്രക്ചര് വഴിയാണ് പ്രകാശരശ്മികളെ സ്മാര്ട്ട് ഗ്ളാസ് കണ്ണിലേക്ക് കടത്തിവിടുക. സ്മാര്ട്ഫോണിനൊപ്പമുളള ഉപകരണമായല്ല സ്വതന്ത്ര്യ ആന്ഡ്രോയിഡ് സ്മാര്ട് ഉപകരണമായാണ് സ്മാര്ട് ഗ്ളാസിനെ ഷവോമി അവതരിപ്പിക്കുന്നത്. സ്മാര്ട് ഗ്ളാസിന്റെ വില ഷവോമി പ്രഖ്യാപിച്ചിട്ടില്ല.