തിരുവനന്തപുരം: സംസ്ഥാനത്ത് സ്കൂളുകള് തുറക്കാനുള്ള പ്രാഥമിക നടപടികള് ആരംഭിച്ചതായി വിദ്യാഭ്യാസ മന്ത്രി വി ശിവന്കുട്ടി. സ്കൂളുകള് തുറക്കാനുള്ള ഒരുക്കങ്ങള് തുടങ്ങാമെന്ന് മുഖ്യമന്ത്രി അറിയിച്ചിട്ടുണ്ട്, അതിനാല് തന്നെ മുന്നൊരുക്കങ്ങള് നടത്താന് ഉദ്യോഗസ്ഥര്ക്ക് നിര്ദേശം നല്കിയെന്നും വി ശിവന്കുട്ടി വ്യക്തമാക്കി.
വിദ്യാഭ്യാസ തദ്ദേശ ആരോഗ്യവകുപ്പുകള് ചേര്ന്നുള്ള സമിതിയാണ് ഇതിനായി പ്രവര്ത്തിക്കുന്നതെന്നും മന്ത്രി അറിയിച്ചു. മുഖ്യമന്ത്രിയുടെ നേതൃത്വത്തിലുള്ള ഉന്നതതല സമിതിയാണ് സ്കൂള് തുറക്കാനുള്ള അന്തിമ തീരുമാനമെടുക്കുക. സുപ്രിം കോടതി വിധിയുടെ അടിസ്ഥാനത്തിലായിരിക്കും സര്ക്കാരിന്റെ തുടര്നടപടികള്.
കോവിഡ് വ്യാപനം ഭയപ്പെടേണ്ടതില്ലാത്ത സാഹചര്യത്തിലേക്ക് എത്തുന്നതിനാല് സ്കൂളുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള് തുറക്കുന്നതിനുള്ള ആലോചനകള് നടന്നു വരികയാണെന്ന് മുഖ്യമന്ത്രി പിണറായി വിജയന് നേരത്തെ അറിയിച്ചിരുന്നു. ഇക്കാര്യത്തില് അറിവും അനുഭവസമ്പത്തുമുള്ള വിദഗ്ധരുമായി ചര്ച്ചകള് നടക്കുന്നുണ്ടെന്നും അദ്ദേഹം അറിയിച്ചിരുന്നു.