മുംബൈ: ഇന്ത്യന് ക്രിക്കറ്റ് താരം ശിഖര് ധവാനും ഭാര്യ ആയേഷ മുഖര്ജിയും വേര്പിരിഞ്ഞു. എട്ട് വര്ഷത്തെ ദാമ്പത്യത്തിന് ശേഷം വേര്പിരിഞ്ഞതായി ധവാന്റെ ഭാര്യ ഇന്സ്റ്റാഗ്രാം പോസ്റ്റിലൂടെയാണ് അറിയിച്ചത്. ധവാന്-ആയേഷ ദമ്പതികള്ക്ക് സൊരാവര് എന്നൊരു മകനുമുണ്ട്.
കിക്ക് ബോക്സര് കൂടിയായ ആയേഷയെ ഫേസ്ബുക്കിലൂടെയാണ് ധവാന് പരിചയപ്പെടുന്നതും അടുക്കുന്നതും. ഫേസ്ബുക്കില് ആയേഷയുടെ ചിത്രങ്ങള് കണ്ട് കൗതുകം തോന്നി തുറന്നുനോക്കിയ ധവാന് ഇന്ത്യന് ടീമിലെ സഹതാരമായ ഹര്ഭജന് സിംഗിനെ മ്യൂച്ചല് ഫ്രണ്ട് ലിസ്റ്റില് കണ്ടു. പിന്നീട് ഫേസ്ബുക്കിലൂടെ തുടങ്ങിയ സൗഹൃദം 2012ല് വിവാഹത്തിലെത്തുകയായിരുന്നു. പഞ്ചാബി മതാചാരപ്രകാരമായിരുന്നു വിവാഹച്ചടങ്ങുകള്. 2014ലാണ് ഇരുവര്ക്കും സൊരാവര് എന്ന ആണ്കുഞ്ഞ് പിറന്നത്.
നേരത്തെ, ഒരു ഓസ്ട്രേലിയന് ബിസിനസുകാരനെ അയേഷ വിവാഹം കഴിച്ചിരുന്നു, മുന് വിവാഹത്തില് ഇവര്ക്ക് രണ്ട് പെണ്മക്കളുണ്ട്. ആംഗ്ലോ ഇന്ത്യന് കുടുംബ പശ്ചാത്തലമുള്ള ആയേഷ പശ്ചിമ ബംഗാളിലാണ് ജനിച്ചത്.