തിരുവനന്തപുരം: സംസ്ഥാനത്ത് ഐ.എ.എസ് ഉദ്യോഗസ്ഥ തലത്തിൽ അഴിച്ചുപണി. ടി. വി. അനുപമയെ പട്ടിക വർഗ വകുപ്പ് ഡയറക്ടറായി നിയമിക്കാൻ സർക്കാർ തീരുമാനിച്ചു. അനുപമയ്ക്ക് എൻട്രൻസ് കമ്മീഷണറുടെ അധിക ചുമതലയും സർക്കാർ നൽകിയിട്ടുണ്ട്.
മുഹമ്മദ് വൈ. സഫറുള്ളയെ ജി.എസ്. ടി സ്പെഷ്യൽ കമ്മിഷണറായി സർക്കാർ നിയമിച്ചു. സജിത് ബാബു ദുരന്തനിവാരണ ഡയറക്ടറും, അബ്ദുൾ നാസറിനെ പുതിയ തൊഴിലുറപ്പ് മിഷൻ ഡയററുമായി നിയമിക്കുകയും ചെയ്തു.
മലപ്പുറം, കണ്ണൂർ, വയനാട്, കൊല്ലം തുടങ്ങിയ ജില്ലകളിലെ കളക്ടർമാരെയും സർക്കാർ മാറ്റി. കണ്ണൂർ കളക്ടറായിരുന്ന ടി.വി. സുഭാഷ് കൃഷിവകുപ്പ് ഡയറക്ടറാകും. എസ്. ചന്ദ്രശേഖർ ആണ് പുതിയ കണ്ണൂർ കളക്ടർ. മലപ്പുറം കളക്ടർ ഗോപാലകൃഷ്ണൻ എംപ്ലോയ്മെന്റ് ട്രെയിനിംഗ് ഡയറക്ടറാകും. വി ആർ പ്രേംകുമാറിനെ മലപ്പുറം കളക്ടറായി നിയമിക്കും. വയനാട് ജില്ലാ കളക്ടർ അദീല അബ്ദുള്ള വനിത ശിശുക്ഷേമ വകുപ്പ് ഡയറക്ടറാകും. അദീലയ്ക്ക് ലോട്ടറി വകുപ്പിന്റെ ചുമതലയും ഉണ്ട്. എ. ഗീത വയനാട് കളക്ടറാകും. കൊല്ലം കളക്ടർ അബ്ദുൾ നാസറിനെ തൊഴിലുറപ്പ് മിഷൻ ഡയറക്ടറാക്കി. അപ്സാന പർവീൻ കൊല്ലം കളക്ടറായി നിയമിക്കാനും സർക്കാർ തീരുമാനിച്ചു.