കൊച്ചി: അഫ്ഗാന് ഹാസ്യനടനായ നസര് മുഹമ്മദിനെ താലിബാന് ഭീകരര് വധിച്ച സംഭവത്തില് കേരളം പ്രതികരിക്കാത്തതില് വിമര്ശനവുമായി നടന് ഹരീഷ് പേരടി.
ഇസ്ലാമിക തീവ്രവാദികളായ താലിബാന് ഒരു കലാകാരനെ മൃഗിയമായി പീഡിപ്പിച്ച് തുക്കി കൊന്നിട്ട് 24 മണിക്കൂറില് അധികമായി, ചിരി പോലും ഹറാമാക്കിയ മത തീവ്രവാദികള്, ലോകം മുഴുവന് പ്രതികരിച്ചു കഴിഞ്ഞു, പ്രതികരിക്കു സാസ്കാരിക കേരളമേ, ഇങ്ങിനെ വണ്സൈഡ് മനുഷ്യസ്നേഹികളായി മനുഷ്യസ്നേഹത്തിലും വിഭാഗീയത കലര്ത്താതിരിക്കു, ശങ്കരാടി ചേട്ടന് പറഞ്ഞതു പോലെ ”ഇച്ചിരി ഉളുപ്പ്” ബാക്കിയുണ്ടെങ്കില് മാത്രം എന്ന് ഹരീഷ് പേരടി തന്റെ ഫേസ്ബുക്ക് അക്കൗണ്ടില് കുറിച്ചു.
കഴിഞ്ഞ ദിവസമാണ് അഫ്ഗാനിസ്താനിലെ ജനപ്രിയ ഹാസ്യതാരം നസര് മുഹമ്മദിനെ താലിബാന് ഭീകരര് അതിക്രൂരമായി മര്ദ്ദിച്ച് കൊലപ്പെടുത്തിയത്. നസറിനെ അതിക്രൂരമായി മര്ദ്ദിക്കുന്നതിന്റെ വീഡിയോ സമൂഹമാധ്യമങ്ങളില് വന് ചര്ച്ചകള്ക്ക് വഴിവെച്ചിരുന്നു. എന്നാല് എല്ലാ വിഷയങ്ങളിലും സാമൂഹ്യമാധ്യമങ്ങളിലൂടെ പ്രതികരിക്കുന്ന കേരളത്തിലെ കലാകാരന്മാര് ആരും തന്നെ ഇത് സംബന്ധിച്ച് പ്രതികരിച്ചിരുന്നില്ല.