ഹവാന: ക്യൂബയിലെ കമ്യൂണിസ്റ്റ് ഭരണകൂടം നേരിടുന്നത് ചരിത്രത്തിലെ തന്നെ ഏറ്റവും വലിയ പ്രക്ഷോഭം. പ്രസിഡന്റ് മിഗേല് ഡൂയസ് കനേലിന്റെ രാജി ആവശ്യപ്പെട്ടാണ് ‘ഏകാധിപത്യം തുലയട്ടെ’ എന്ന മുദ്രാവാക്യവുമായി ഹവാന മുതല് സാന്റിയാഗോ വരെ തെരുവില് പ്രക്ഷോഭകര് അണിനിരക്കുന്നത്. പ്രക്ഷോഭകരെ നേരിടാനായി വന് സൈനികവിന്യാസമാണു നടത്തിയിരിക്കുന്നത്.
ഞായറാഴ്ച 6,923 പുതിയ കോവിഡ് കേസുകള് റിപ്പോര്്ട്ട് ചെയ്തു. 47 പേര് മരിച്ചു. ഇതിനൊപ്പമാണ് ജനങ്ങള് കടുത്ത സാമ്പത്തിക പ്രതിസന്ധി നേരിടുന്നത്.അമേരിക്കന് ഏജന്സികള് പണം മുടക്കിയാണ് പ്രതിഷേധ പ്രകടനങ്ങള് സംഘടിപ്പിക്കുന്നതെന്നും ഡോണള്ഡ് ട്രംപ് ഏര്പ്പെടുത്തിയ ഉപരോധം പിന്വലിക്കാന് ഇപ്പോഴത്തെ യുഎസ് പ്രസിഡന്റ് ജോ ബൈഡന് തയാറായിട്ടില്ലെന്നും മിഗേല് കുറ്റപ്പെടുത്തി. ക്യൂബയില് പുറത്തുനിന്നു ഒരുതരത്തിലുള്ള ഇടപെടലും അംഗീകരിക്കില്ലെന്നും റഷ്യ വ്യക്തമാക്കി.ക്യൂബന് സര്ക്കാരിന്റെ പരമാധികാരം അട്ടിമറിക്കാനുള്ള ശ്രമങ്ങള് ചെറുക്കുമെന്നും റഷ്യന് വിദേശകാര്യ മന്ത്രാലയ വക്താവ് മരിയ സഖറോവ പറഞ്ഞു.ആറു പതിറ്റാണ്ടിലേറെയായി കമ്യൂണിസ്റ്റ് ഭരണത്തിന് കീഴിലുള്ള ക്യൂബ, യുഎസ് മുന് പ്രസിഡന്റ് ഡോണള്ഡ് ട്രംപ് സാമ്പത്തിക ഉപരോധം ഏര്പ്പെടുത്തിയതോടെയാണ് കടുത്ത പ്രതിസന്ധിയിലായത്.
2021-07-13