മതിലുകള് : ലൗ ഇന് ദ റ്റൈം ഓഫ് കൊറോണ എന്ന മലയാളചിത്രം ഒ ടി ടി പ്ലാറ്റ്ഫോമായ റൂട്ട്സില് റിലീസ് ചെയ്തു. രംഗത്തു വരുന്ന ഒരാളും വരാത്ത ഒരാളുമായി രണ്ടേ രണ്ടു കഥാപാത്രങ്ങളും രണ്ടേ രണ്ടു സാങ്കേതിക പ്രവര്ത്തകരുമായാണ് ചിത്രത്തിന്റെ ഷൂട്ടിംഗ് പൂര്ത്തിയാക്കിയത്. കേവ് അടക്കം മറ്റ് മൂന്നു ചാനലുകളില് കൂടി ചിത്രം വൈകാതെ വരുമെന്ന് സംവിധായകന് അന്വര് അബ്ദുള്ള പറഞ്ഞു.
സംവിധായകന് തന്നെയാണ് ചിത്രത്തിലെ ഏക കഥാപാത്രമായെത്തുന്നത്. ക്യാമറയ്ക്കു പിന്നില് ഛായാഗ്രാഹകന് എ മുഹമ്മദ് മാത്രവും. ബഷീറിന്റെയും മാര്കേസിന്റെയും പ്രേമസങ്കീര്ണരചനകളുടെ പേരുകളുടെ സംയോജനം അവയുടെ ഭാവാന്തരീക്ഷത്തെ ആനയിക്കാനും മനുഷ്യകുലം തന്നെ തടവിലാക്കപ്പെട്ട കാലത്തിന്റെ ദാര്ശനികസത്യത്തെ അന്വേഷിക്കാനുമാണെന്നു സംവിധായകന് പറയുന്നു.