തിരുവനന്തപുരം: സ്പീക്കര്‍ പി.ശ്രീരാമകൃഷ്ണന്റെ തലസ്ഥാനത്തെ പേട്ടയിലെ ഫ്‌ളാറ്റില്‍ കസ്റ്റംസ് പരിശോധന തുടങ്ങി. സ്വപ്ന നല്‍കിയ മൊഴിയനുസരിച്ച് ഈ ഫ്‌ളാറ്റില്‍ വച്ചാണ് ഡോളര്‍ കൈമാറിയതെന്നതിന്റെ അടിസ്ഥാനത്തിലായിരുന്നു പരിശോധന.കസ്റ്റംസ് സംഘം ഇന്നലെ അതീവ രഹസ്യമായി തിരുവനന്തപുരത്തെ ഔദ്യോഗിക വസതിയില്‍ വച്ച് ചോദ്യം ചെയ്തിരുന്നു. കസ്റ്റംസ് സൂപ്രണ്ട് സലിലിന്റെ നേതൃത്വത്തിലായിരുന്നു ചോദ്യംചെയ്യല്‍. കഴിഞ്ഞ മാസമാണ് കസ്റ്റംസ് ഹാജരാകാന്‍ സ്പീക്കര്‍ക്ക് ആദ്യം നോട്ടീസ് നല്‍കിയത്. എന്നാല്‍ തിരഞ്ഞെടുപ്പിന്റെ തിരക്ക് ചൂണ്ടിക്കാട്ടി സ്പീക്കര്‍ ഹാജരായില്ല. രണ്ടാമതും ഹാജരാകാത്തതിനെ തുടര്‍ന്നാണ് കസ്റ്റംസ് വസതിയിലെത്തി സ്പീക്കറെ ചോദ്യം ചെയ്തത്.
2021-04-10