കൊച്ചി: ആം ആദ്മി പാർട്ടിയുമായുള്ള രാഷ്ട്രീയ സഖ്യം അവസാനിപ്പിച്ച് ട്വന്റി ട്വന്റി പാർട്ടി. ട്വന്റി ട്വന്റി നേതാവ് സാബു ജേക്കബാണ് ഇക്കാര്യം അറിയിച്ചത്. ഡൽഹി മുഖ്യമന്ത്രിയും എ എ പി ദേശീയ കൺവീനറുമായ അരവിന്ദ് കേജ്രിവാളിനെ രാഷ്ട്രീയ സഖ്യം അവസാനിപ്പിക്കുന്ന തീരുമാനം അറിയിച്ചെന്നും അദ്ദേഹം വ്യക്തമാക്കി.
സഖ്യം രാഷ്ട്രീയമായി ഗുണം ചെയ്യില്ലെന്ന് ബോധ്യപ്പെട്ടത്തിന്റെ അടിസ്ഥാനത്തിലാണ് തീരുമാനമെന്നും സാബു ജേക്കബ് പറഞ്ഞു. സഖ്യം പ്രഖ്യാപിച്ച് ഒന്നരവർഷത്തിന് ശേഷമാണ് എഎപിയും ട്വന്റി ട്വന്റിയും വേർപിരിയാൻ തീരുമാനിച്ചത്.
2022 മേയ് 15 നാണ് എഎപി – ട്വന്റി ട്വന്റി രാഷ്ട്രീയ സഖ്യം ദില്ലി മുഖ്യമന്ത്രി കെജ്രിവാൾ പ്രഖ്യാപിച്ചത്.