ഒരു രാജ്യം ഒരു തെരഞ്ഞെടുപ്പിന് അനുകൂല നിലപാടുമായി ദേശിയ നിയമകമ്മീഷൻ. ഇത് സംബന്ധിച്ചുള്ള നിലപാട് കമ്മീഷൻ, രാംനാഥ് കോവിന്ദ് സമിതിയെ അറിയിക്കും. അടുത്ത ആഴ്ചയോടെഇതുമായി ബന്ധപ്പെട്ട് വിശദമായ റിപ്പോർട്ട് കമ്മീഷൻ സമിതിക്ക് കൈമാറുമെന്നാണ് വിവരം. ഇന്ന് വൈകുന്നേരമാണ് ഒരു രാജ്യം, ഒരു തെരെഞ്ഞെടുപ്പ് സാധ്യതകൾ പരിശോധിക്കാൻ മുൻ രാഷ്ട്രപതി രാംനാഥ് കോവിന്ദൻറെ നേതൃത്വത്തിലുള്ള സമിതിയുടെ യോഗം ചേരുന്നത്.
സമിതിയുടെ രണ്ടാമത്തെ യോഗമാണ് നടക്കാൻ പോകുന്നത്. നിയമകമ്മീഷനെയും യോഗത്തിലേക്ക് ക്ഷണിച്ചിരുന്നു. യോഗത്തിൽ ദേശീയ നിയമകമ്മീഷൻ ചെയർമാൻ റിതു രാജ്. അവസ്തി, കമ്മീഷനിലെ അംഗമായ ഡോ ആനന്ദ് പള്ളിവാൾ എന്നിവരാകും പങ്കെടുക്കുക. ലോക്സഭാക്കൊപ്പം നിയമസഭാ തിരഞ്ഞെടുപ്പും നടത്താനുള്ള നടപടികൾക്കുള്ള രൂപരേയാണ് യോഗത്തിൽ നിയമകമ്മീഷൻ നൽകുന്നത്. 2029ലെ തിരഞ്ഞെടുപ്പ് മുതലായിരിക്കും ഒരു തിരിഞ്ഞെടുപ്പെന്ന ആശയം പ്രാബല്യത്തിലാവുന്നത്.ഇത് സംബന്ധിച് കമ്മീഷൻ അംഗങ്ങൾക്കിടയിൽ ധാരണയായിട്ടുണ്ട്.
അതെസമയം ഒന്നിച്ചുള്ള തെരഞ്ഞെടുപ്പിന് ആവശ്യമായ അടിസ്ഥാന സൌകര്യങ്ങൾക്ക് കുറച്ചു കൂടി സവാകാശം വേണമെന്നാണ് തെരഞ്ഞെടുപ്പ് കമ്മീഷന്റെ നിലപാട്. ഒരു വർഷമെങ്കിലും തയ്യാറെടുപ്പിന് വേണമെന്ന് തെരഞ്ഞെടുപ്പ് കമ്മീഷൻ വ്യക്തമാക്കുന്നു. വിഷയത്തിൽ രാഷ്ട്രീയപാർട്ടികളുടെയും അഭിപ്രായം തേടാൻ സമിതി നേരത്തെ തീരുമാനിച്ചിരുന്നു.