സംസ്ഥാനത്ത് വിദേശനിർമിത മദ്യത്തിന്റെയും വിദേശനിർമിത വൈനിന്റെയും വില കൂടും. മദ്യ കമ്പനികൾ ബവ്റിജസ് കോർപറേഷന് നൽകേണ്ട വെയർഹൗസ് മാർജിൻ 14 ശതമാനമായും ഷോപ്പ് മാർജിൻ 20 ശതമാനമായും വർധിക്കും. വിദേശത്തു നിർമിക്കുന്ന മദ്യത്തിനും വൈനിനും ഒരേ നിരക്കിലായിരിക്കും ഇനി മാർജിൻ. നിലവിൽ വിദേശനിർമിത മദ്യത്തിന് വെയർഹൗസ് മാർജിൻ 5 ശതമാനവും വിദേശ വൈനിന് 2.5 ശതമാനവുമാണ്. ഷോപ്പ് മാർജിൻ യഥാക്രമം 3 ശതമാനവും 5 ശതമാനവുമാണ്. രണ്ടിനത്തിലുമായി ഒറ്റയടിക്കാണ് വൻ വർധനവ് ഉണ്ടാവുന്നത്. ഇതോടെ വിദേശ നിർമ്മിത മദ്യത്തിന്റെയും വിദേശ നിർമ്മിത വൈനിന്റെയും വില കുത്തനെ ഉയരും.
നിലവിൽ 1800 രൂപ മുതലാണ് കേരളത്തിൽ വിദേശനിർമിത മദ്യം ലഭ്യമാകുന്നത് എന്നാൽ ഇനി 2500 രൂപയിൽ താഴെയുള്ള ബ്രാൻഡ് ഉണ്ടാകില്ല.