മാത്യു കുഴൽ നാടനെതിരെ വിജിലൻസ് അന്വേഷണത്തിനു അനുമതി. ചിന്നക്കനാലിലെ ഭൂമിയിടപാടുമായി ബന്ധപ്പെട്ടാണ് അന്വേഷണത്തിന് അനുമതി നൽകിയിരിക്കുന്നത്. 1988 ലെ അഴിമതി നിരോധന നിയമം പ്രകാരം പ്രാഥമിക അന്വേഷണം നടത്താനാണ് ഉത്തരവ്. കുഴൽ നാടന്റെ ചിന്നക്കനാലിലെ റിസോർട്ട് നിയമ വിരുദ്ധമായാണ് പ്രവർത്തിക്കുന്നത് എന്ന് സി പി ഐ എമ്മിന്റെ പ്രാദേശിക നേതാവ് ആരോപണം ഉന്നയിച്ചരുന്നു. അതിനിടെ ചിന്നക്കനാലിലെ റിസോർട്ടിന് ലൈസൻസ് പുതുക്കി നൽകിയിരുന്നു. ഹോം സ്റ്റേ എന്ന നിലയിലാണ് ലൈസൻസ് നൽകിയിരിക്കുന്നത്. ഹോം സ്റ്റേ റിസോർട്ട് എന്ന് പഞ്ചായത്ത് രേഖകളിൽ രേഖപ്പെടുത്തിയിരിക്കുന്നത് ക്ലറിക്കൽ പിഴവാണെന്നാണ് പഞ്ചായത്ത് നൽകുന്ന വിശദീകരണം. അതുകൊണ്ട് തന്നെ നികുതി നിരക്കിലടക്കം മാത്യു കുഴൽ നാടന് ഇളവ് ലഭിക്കും.
മാസപ്പടി വിവാദത്തിൽ സംസ്ഥാന സർക്കാരിനെതിരെ അതിരൂക്ഷ വിമർശനവുമായി രംഗത്തു വന്ന വ്യക്തിയാണ് മാത്യു കുഴൽ നാടൻ. കുഴൽ നാടനെ നേരിടാൻ സിപിഐഎം ആയുധമാക്കിയത് ഈ റിസോർട്ടും അതിലെ നിയമലംഘനങ്ങളുമാണ്