ലണ്ടൻ: യുകെയിൽ സന്ദർശക- വിദ്യാർഥി വിസ നിരക്കുകൾ ഉയർത്തി. വിദ്യാർഥി വിസയിൽ 127 പൗണ്ടാണ് (13,000 രൂപയിലേറെ) വർധിപ്പിച്ചത്. ഇതോടെ വിദ്യാർഥി വീസക്ക് അപേക്ഷിക്കുന്നതിനുള്ള ഫീസ് 490 പൗണ്ടായി.
ആറുമാസത്തിൽ താഴെയുള്ള സന്ദർശന വിസ ഫീസിൽ 15 പൗണ്ട് വർധിപ്പിച്ചു. 115 പൗണ്ട് (11,000ലധികം രൂപ) ആണ് സന്ദർശന വിസയ്ക്കുള്ള പുതിയ അപേക്ഷ ഫീസ്. പുതിയ നിരക്കുകൾ പ്രാബല്യത്തിലാകുക ഒക്ടോബർ നാലു മുതലാകും. ഒക്ടോബർ നാലു മുതൽ എമിഗ്രേഷൻ ഫീസിലും വർധനവുണ്ടാകും.
പൊതുമേഖലയിലെ ശമ്പളം ഉയർത്തുക, സേവനങ്ങൾ മെച്ചപ്പെടുത്തുക തുടങ്ങിയവ ലക്ഷ്യമിട്ടാണ് യുകെ വിസ നിരക്കുകൾ വർദ്ധിപ്പിച്ചത്. ജൂലൈയിൽ പ്രധാനമന്ത്രി ഋഷി സുനക് ഫീസ് നിരക്കിൽ വർധനവുണ്ടാകുമെന്ന പ്രഖ്യാപനം നടത്തിയത്. മറ്റുവിഭാഗങ്ങളിലുള്ള വിസ നിരക്കുകളിലും വിവിധ സേവനങ്ങളിലുമെല്ലാം വർധനവുണ്ട്.