പട്ന: ജി 20 ഉച്ചകോടി സംഘടിപ്പിച്ചതിൽ വിമർശനവുമായി ആർജെഡി അധ്യക്ഷൻ ലാലു പ്രസാദ്. ജി20 ഉച്ചകോടി സംഘടിപ്പിച്ചതു കൊണ്ടു രാജ്യത്തെ ജനങ്ങൾക്ക് എന്തു മെച്ചമുണ്ടായെന്ന് അദ്ദേഹം ചോദിച്ചു. ജനങ്ങൾക്കു പ്രയോജനമില്ലാതെ ഭീമമായ തുക ചെലവാക്കിയാണ് ജി 20 ഉച്ചകോടി സംഘടിപ്പിച്ചതെന്നും അദ്ദേഹം അറിയിച്ചു.
അതേസമയം, ജി20 ഉച്ചകോടിയെ വിമർശിച്ച ലാലു യാദവിനെതിരെ വിമർശനവുമായി ബിജെപി ബിഹാർ സംസ്ഥാന അധ്യക്ഷൻ സമ്രാട്ട് ചൗധരി രംഗത്തെത്തി. ജി 20 ഉച്ചകോടിയെ വിമർശിച്ച ലാലു പ്രസാദ് യാദവ് ഏറ്റവും വലിയ രാജ്യദ്രോഹിയാണെന്ന് അദ്ദേഹം ആരോപിച്ചു. രാജ്യത്തിന്റെ ഉന്നതിക്കായുള്ള പ്രധാനമന്ത്രി നരേന്ദ്ര മോദിയുടെ പ്രയത്നങ്ങളെയാണ് ലാലു നിന്ദിക്കുന്നത്. രാജ്യത്തെ ഭിന്നിപ്പിക്കാനുള്ള നീക്കങ്ങളാണ് ലാലു നടത്തുന്നതെന്നും അദ്ദേഹം വിമർശിച്ചു.