സൂപ്പർ സോണിക് വ്യോമയാന വിദ്യ ഉപയോഗിച്ച് ഏറെ ദൂരത്തുള്ള സ്ഥലങ്ങളിലേക്ക് വേഗത്തിൽ പോകാനുള്ള പദ്ധതിയുമായി നാസ. ഇത് പ്രാബല്യത്തിൽ വന്നാൽ ലണ്ടനിൽ നിന്നും ന്യൂയോർക്കിലേക്ക് വെറും ഒന്നരമണിക്കൂർ മാത്രം യാത്ര ചെയ്താൽ മതിയാകും . അറ്റ്ലാന്റിക്കിന് കുറുകെ മണിക്കൂറിൽ 1,535-3,045 മൈൽ വേഗതയിൽ ആയിരിക്കും സൂപ്പർ സോണിക് വിമാനങ്ങൾ യാത്ര ചെയ്യുന്നത്. ഇത്തരം വിമാനങ്ങളുടെ വേഗത അളക്കുന്നത് മാച്ചിലൂടെയാണ്. ഒന്നു മുതൽ രണ്ട് മാച്ച് വരെ വേഗതയിൽ ആയിരിക്കും ഈ വിമാനങ്ങൾ പോകുന്നത്.
ഒരു എഫ് -18 യുദ്ധ വിമാനത്തിന്റെ വേഗത മാച്ച് 1.8 ആണ്. സൂപ്പർ സോണിക് വ്യോമയാന വിദ്യയിലൂടെയുള്ള യാത്ര ഒരു വർഷത്തിനുള്ളിൽ നടപ്പാക്കാനാണ് നാസ ശ്രമിക്കുന്നത്. റോൾസ് -റോയിസ്, ബോയിങ് എന്നീ കമ്പനികളാണ് ഈ പദ്ധതി നടപ്പാക്കാൻ നാസയോടൊപ്പം ചേരുന്നത്. ഇത്തരം വിമാനങ്ങളുടെ നിർമാണത്തിന്റെ പ്രാരംഭഘട്ടം മാത്രമാണ് നാസയിൽ ഇപ്പോൾ നടക്കുന്നതെന്ന് നാസയുടെ വക്താവ് റോബ് മാർഗരറ്റ് പറഞ്ഞു