ബറൂച്ച് : കെമിക്കൽ ഫാക്ടറിയിൽ ചോർന്ന വിഷവാതകം ശ്വസിച്ച് 28 പേർ ആശുപത്രിയിൽ. ഗുജറാത്തിലെ ബറൂച്ച് ജില്ലയിലുള്ള കെമിക്കൽ ഫാക്ടറിയിലായിരുന്നു വിഷവാതക ചോർച്ച ഉണ്ടായത്. ഫാക്ടറിയിൽ തീപിടുത്തം ഉണ്ടായതിനെ തുടർന്ന് ടാങ്കിൽ സംഭരിച്ചിരുന്ന ബ്രോമിൻ ഗ്യാസ് ചോർന്നതോടെയാണ് ജനങ്ങൾക്കും പരിസരവാസികൾക്കുമുൾപ്പെടെ ശാസതടസ്സം ഉണ്ടായത്.
കഴിഞ്ഞദിവസം ഉച്ചയോടെ ആയിരുന്നു സംഭവം. തീ പിടുത്തം നടക്കുമ്പോൾ ഫാക്ടറിയിൽ രണ്ടായിരത്തോളം പേരുണ്ടായിരുന്നതായും എല്ലാവരെയും സുരക്ഷിതമായി ഒഴിപ്പിച്ചതായും ബറൂച്ച് പോലീസ് സ്റ്റേഷൻ സബ് ഇൻസ്പെക്ടർ വൈശാലി അഹീർ അറിയിച്ചു. ടാങ്കിന് സമീപം ജോലി ചെയ്തിരുന്ന 28 തൊഴിലാളികളെയാണ് ആശുപത്രിയിൽ പ്രവേശിപ്പിച്ചിരിക്കുന്നത്.