റിലീസ് ചെയ്ത് ഒമ്ബത് ദിവസം കൊണ്ട് 100 കോടി ക്ലബ്ബിലെത്തിയിരിക്കുകയാണ് വിവാദ ചിത്രം ‘ദി കേരള സ്റ്റോറി’. ഇതോടെ 2023-ലെ ഏറ്റവും കൂടുതല് വരുമാനം നേടുന്ന രണ്ടാമത്തെ ചിത്രമായി സുദീപ്തോ സെന്നിന്റെ കേരള സ്റ്റോറി മാറി.
ഇന്നലെ മാത്രം ചിത്രം നേടിയത് 19.50 കോടി രൂപയാണ്. ഇതുവരെ സ്വന്തമാക്കിയത് 112.87 കോടി രൂപയാണ്. യാഥാര്ത്ഥമായ സംഭവങ്ങളെ ആസ്പദമാക്കി ചിത്രീകരിക്കുന്ന സിനിമയാണ് കേരള സ്റ്റോറി. നിഷ്കളങ്കരായ മൂന്ന മലയാളി പെണ്കുട്ടികളെ ഐഎസിന്റെ കാണാപ്പുറങ്ങളിലെത്തിക്കുന്നതും അവരെ ഭീകര സംഘടനയുടെ ഭാഗമാക്കുന്നതുമാണ് ചിത്രത്തിന്റെ ഇതിവൃത്തം.
ഇന്ത്യയ്ക്ക് പുറമേ ചിത്രം അമേരിക്കയിലും കാനഡയിലുമെത്തി. ഇരു രാജ്യങ്ങളിലുമായി 200 സ്ക്രീനുകളിലായാണ് ചിത്രം പ്രദര്ശനത്തിനെത്തിയത്. സര്ഗാത്മക അതിര്വരമ്ബുകള്ക്കപ്പുറമാണ് സിനിമയുടെ ദൗത്യമെന്ന് സംവിധായകന് സുദീപ്തോ സെന് വ്യക്തമാക്കിയിരുന്നു.