ഡല്ഹി: ഗുസ്തി ഫെഡറേഷന് അധ്യക്ഷന് ബ്രിജ്ഭൂഷണെതിരെ വനിതാ താരത്തിന്റെ രഹസ്യ മൊഴി. പ്രായപൂര്ത്തിയാകാത്ത വനിതാ താരം ആണ് മജിസ്ട്രേറ്റിന് മുന്പാകെ രഹസ്യ മൊഴി നല്കിയത്.
അതേസമയം, താരങ്ങള്ക്ക് പിന്തുണയുമായി നിരവധി സംഘടനകളാണ് ജന്തര് മന്തറില് എത്തുന്നത്. ബ്രിജ്ഭൂഷണ് എതിരായ നടപടി വേഗത്തില് ആക്കണമെന്നാണ് സമരം ആരംഭിച്ച് ഇരുപതാം ദിനവും താരങ്ങളുടെ ആവശ്യം. കരിദിനം ആചരിക്കുന്ന താരങ്ങള് രാജ്യത്തിന്റെ പിന്തുണയും അഭ്യര്ത്ഥിച്ചു.
ബ്രിജ്ഭൂഷന് ശരീരത്തിന്റെ രഹസ്യ ഭാഗങ്ങളില് സ്പര്ശിച്ചു എന്നാണ് പ്രായപൂര്ത്തിയാകാത്ത വനിതാ ഗുസ്തി താരം നേരത്തെ ഡല്ഹി പൊലീസിന് നല്കിയിട്ടുള്ള മൊഴിയില് ആരോപിച്ചിരിക്കുന്നത്. ഇതുള്പ്പെടെ കേസ് അന്വേഷണത്തില് നിര്ണായകമായ വിവരങ്ങള് മജിസ്ട്രേറ്റിന് രഹസ്യ മൊഴിയായി വനിതാ താരം നല്കിയെന്നാണ് സൂചന. മറ്റ് താരങ്ങളുടെ മൊഴിയും ഉടന് രേഖപ്പെടുത്തും.