ശബരി പദ്ധതിക്ക് പുതുജീവൻ

On: January 8, 2021

Previous Post: ഭൗമശാസ്ത്രജ്ഞൻ : സ്റ്റീഫൻ ഹോക്കിങ് ജന്മദിനം

Next Post: ബദായൂൺ പീഡനം: വിവാദ പരമാർശവുമായി വനിതാ കമ്മിഷൻ അംഗം

കനത്ത മഴയ്ക്ക് സാധ്യത; ഊട്ടിയിൽ മെയ് 20 വരെ സഞ്ചാരികൾക്ക് സന്ദർശന വിലക്ക്

നീലഗിരി: ഊട്ടിയിൽ മെയ് 20 വരെ സഞ്ചാരികൾക്ക് സന്ദർശന വിലക്ക്. നീലഗിരി മേഖലയിൽ കനത്ത മഴ ലഭിച്ചേക്കുമെന്ന മുന്നറിയിപ്പിനെ തുടർന്നാണ് നടപടി. ഈ ദിവസങ്ങളിൽ ഊട്ടിയിലേക്കുള്ള യാത്ര സഞ്ചാരികൾ മാറ്റിവെക്കണമെന്നാണ് നീലഗിരി ജില്ലാ കളക്ടർ എം അരുണിമ നൽകിയിരിക്കുന്ന നിർദ്ദേശം. കനത്ത മഴക്കും മണ്ണിടിച്ചിലിനുമുള്ള സാധ്യത മുൻകൂട്ടി കണ്ട് വേണ്ട മുൻകരുതൽ നടപടികൾ സ്വീകരിച്ചിട്ടുണ്ടെന്നും ജില്ലാ ഭരണകൂടം വ്യക്തമാക്കിയിട്ടുണ്ട്. നീലഗിരി മേഖലയിൽ വെള്ളിയാഴ്ച്ച മുതൽ കാലാവസ്ഥാ നിരീക്ഷണ കേന്ദ്രം ഓറഞ്ച് അലേർട്ട് പ്രഖ്യാപിച്ചിട്ടുണ്ട്. മെയ് 18, 19, 20 ദിവസങ്ങളിൽ 6സെമി മുതൽ 20 സെ.മീ വരെ ശക്തമായ മഴ ലഭിച്ചേക്കുമെന്നാണ് കാലാവസ്ഥാ പ്രവചനം. അടിയന്തര സാഹചര്യം നേരിടാനായി 3,500 ഫസ്റ്റ് റെസ്പോണ്ടേഴ്സും 200 വളണ്ടിയർമാരും 25 അഗ്നിരക്ഷാ വാഹനങ്ങളും മെഡിക്കൽ സംഘങ്ങളും തയ്യാറാണ്. ഭക്ഷണവും മരുന്നും അടക്കമുള്ള അത്യാവശ്യ വസ്തുക്കൾ ശേഖരിച്ചിട്ടുണ്ടെന്നും അധികൃതർ വിശദമാക്കി. വെള്ളം കയറാൻ സാധ്യതയുള്ള പ്രദേശങ്ങളിലെ പൊതുവിതരണ കേന്ദ്രങ്ങളിൽ നിന്നും സ്റ്റോക്കുകൾ നീക്കാനുള്ള നിർദ്ദേശവും നൽകിയിട്ടുണ്ട്. അടിയന്തര സാഹചര്യത്തിൽ 1077 എന്ന ടോൾ ഫ്രീ നമ്പറിൽ ജനങ്ങൾക്ക് ബന്ധപ്പെടാം. ഈ നമ്പർ വഴി വിവരം ലഭിക്കുന്നതിന് അനുസരിച്ച് ബന്ധപ്പെട്ട വകുപ്പിന് വിവരം കൈമാറുകയും നടപടികൾ സ്വീകരിക്കുകയും ചെയ്യും.
ഏലയ്ക്കയിൽ കീടനാശിനിയുടെ സാന്നിദ്ധ്യം; ഹൈക്കോടതി വില്പന തടഞ്ഞ ശബരിമലയിലെ അരവണ വളമാക്കി മാറ്റിയേക്കും

ശബരിമല: ഏലയ്ക്കയിൽ കീടനാശിനിയുടെ സാന്നിദ്ധ്യം കണ്ടെത്തിയതിനെ തുടർന്ന് ഹൈക്കോടതി വില്പന തടഞ്ഞ ശബരിമലയിലെ അരവണ വളമാക്കി മാറ്റിയേക്കുമെന്ന് റിപ്പോർട്ട്. 6.65 ലക്ഷം ടിൻ അരവണ വളമാക്കി മാറ്റി.ക്കേുമെന്ന വിവരമാണ് പുറത്തുവരുന്നത്. മാളികപ്പുറം ഗോഡൗണിലാണ് ഒരു വർഷത്തിലേറെയായി ഈ അരവണ കണ്ടയ്‌നറുകൾ സൂക്ഷിച്ചിരിക്കുന്നത്. അരവണ പുറത്തെത്തിച്ച് ശാസ്ത്രീയമായി സംസ്‌കരിക്കുന്നതിന് ടെൻഡർ ക്ഷണിക്കാൻ കഴിഞ്ഞ ദിവസം ചേർന്ന ദേവസ്വം ബോർഡ് യോഗം തീരുമാനിച്ചിരുന്നു. ഒരാഴ്ചയ്ക്കുള്ളിൽ ടെൻഡർ നടപടികൾ പൂർത്തിയാക്കാനാണ് ലക്ഷ്യമിടുന്നത്. അരവണ എങ്ങനെ സംസ്‌കരിക്കുമെന്ന് ഏജൻസികൾ മുൻകൂട്ടി വ്യക്തമാക്കണം. ഇതിന്റെ അടിസ്ഥാനത്തിലേ തുടർനടപടി സ്വീകരിക്കൂ. ടെൻഡറിൽ പങ്കെടുക്കാൻ താത്പര്യം അറിയിച്ച ഭൂരിപക്ഷം ഏജൻസികളും വളം നിർമ്മിക്കാൻ അരവണ ഉപയോഗിക്കുമെന്നാണ് അറിയിച്ചിരിക്കുന്നത്. അരവണ ടിന്നുകൾ അതേരൂപത്തിൽ നിലയ്ക്കലിനപ്പുറം കൊണ്ടുപോകാൻ അനുവദിക്കില്ല. അരവണ ശബരിമലയ്ക്ക് പുറത്ത് വിൽക്കാതിരിക്കാനാണിത്. ശബരിമലയിൽ വച്ചുതന്നെ കണ്ടയ്‌നർ പൊട്ടിച്ച് അരവണ വേർതിരിച്ചാൽ ശർക്കരയുടെ മണം പിടിച്ച് ആന ഉൾപ്പടെയുള്ള വന്യ ജീവികൾ എത്തുമെന്ന ആശങ്ക നിലനിൽക്കുന്നുണ്ട്. കണ്ടയ്‌നറുകൾ ട്രാക്ടറിൽ പമ്പയിലെത്തിച്ച് ഇവിടെ നിന്ന് നിലയ്ക്കൽ ഗോഡൗണിലെത്തിക്കാനാണ് പദ്ധതിയിടുന്നത്.
പ്ലസ് വൺ സീറ്റ് പ്രതിസന്ധി; വിദ്യാഭ്യാസ മന്ത്രി വിളിച്ചു ചേർത്ത യോഗത്തിൽ പ്രതിഷേധം

തിരുവനന്തപുരം: വിദ്യാഭ്യാസ മന്ത്രി വി ശിവൻകുട്ടി വിളിച്ചു ചേർത്ത യോഗത്തിൽ പ്രതിഷേധിച്ച് എംഎസ്എഫ് പ്ലസ് വൺ സീറ്റ് വിഷയമുയർത്തിയായിരുന്നു പ്രതിഷേധം. മലബാറിലെ പ്ലസ് വൺ സീറ്റ് വിഷയമുയർത്തിയാണ് പ്രതിഷേധം നടന്നത്. എംഎസ്എഫ് സംസ്ഥാന സെക്രട്ടറി നൗഫലാണ് പ്രതിഷേധിച്ചത്. ഇയാളെ പോലീസ് അറസ്റ്റ് ചെയ്തു. കന്റോൺമെന്റ് പൊലീസാണ് അറസ്റ്റ് രേഖപ്പെടുത്തിയത്. തൊഴിലാളി- യുവജന- വിദ്യാർത്ഥി- മഹിളാ പ്രസ്ഥാന പ്രതിനിധികളുമായിട്ടായിരുന്നു മന്ത്രി യോഗം വിളിച്ചത്. ഇതിനിടെയായിരുന്നു പ്രതിഷേധവും അറസ്റ്റും.
‘സീൻ’ ആക്കാതെ ഇൻസ്റ്റാഗ്രാമിൽ മെസ്സേജുകൾ വായിക്കാം; ചെയ്യേണ്ടത് ഇത്രമാത്രം

മെസേജ് കണ്ടതായി മറ്റൊരാളെ അറിയിക്കാതെ ഇൻസ്റ്റാഗ്രാമിൽ ഡയറക്റ്റ് മെസ്സേജുകൾ വായിക്കാം. ഇതിനുള്ള വഴി ഇൻസ്റ്റഗ്രാം ഒരുക്കിയിട്ടുണ്ട്. ഓൺലൈനിൽ ഭീഷണിപ്പെടുത്തുകയോ അല്ലെങ്കിൽ സ്‌കാമർമാരാൽ ടാർഗെറ്റു ചെയ്യപ്പെടുകയോ ചെയ്യുമ്പോൾ ഈ സംവിധാനം ഉപയോഗിക്കാം. ഇൻസ്റ്റാഗ്രാം ആപ് തുറന്ന് ഡിഎമ്മുകളിലേക്കു പോകുക. എല്ലാ പുതിയ ഡിഎമ്മുകളും ലോഡ് ആകും. സെറ്റിങ്‌സിൽ പോയി മൊബൈൽ ഡാറ്റ, വൈഫൈ എന്നിവ ഓഫാക്കിയാൽ. തുറക്കുന്ന ആ സമയം ‘സീൻ’ കാണില്ല. പക്ഷേ വീണ്ടും ഇന്റർനെറ്റ് ഓണാക്കി, ആപ് തുറക്കുമ്പോൾ സീൻ പോപ് അപ് ചെയ്യും. ചാറ്റ് തുറന്ന് മുകളിലുള്ള പ്രൊഫൈലിൽ ടാപ് ചെയ്യണം. പ്രൈവസി ആൻഡ് സെക്യുരിറ്റി എന്ന ഓപ്ഷനിസ് ടാപ് ചെയ്ത് റീഡ് റെസീപ്റ്റ് ഓഫാക്കുക എന്ന ഓപ്ഷൻ ഓണാക്കണം. സീൻ ഐക്കൺ ട്രിഗർ ചെയ്യാതെ തന്നെ ഡിഎം വായിക്കാൻ റെസ്ട്രിക്റ്റ് ഫീച്ചറും സഹായിക്കും. സന്ദേശം അയയ്ക്കുന്ന വ്യക്തിയുടെ പ്രൊഫൈലിലേക്കു പോകുക. പ്രൊഫൈൽ പേജിന്റെ മുകളിലുള്ള മൂന്ന് ഡോട്ടുകളിൽ ക്ലിക് ചെയ്തശേഷം റെസ്ട്രിക്ട് സെലക്ട് ചെയ്യുക. ശേഷം വരുന്ന സന്ദേശങ്ങളെല്ലാം മെസേജ് റിക്വസ്റ്റ് ഫോൾഡറിലേക്കു മാറ്റപ്പെടും. ഇത് ഓൺലൈൻ സ്റ്റാറ്റസും ആ വ്യക്തി കാണുന്നത് ഒഴിവാക്കുകയും ഡിഎം വായിക്കുകയും ചെയ്യുകയും ചെയ്യാം.
സ്വാതി മാലിവാൾ എംപിയെ മർദിച്ചെന്ന പരാതി; ബൈഭവ് കുമാർ അറസ്റ്റിൽ

ന്യൂഡൽഹി: ഡൽഹി മുഖ്യമന്ത്രി അരവിന്ദ് കേജ്രിവാളിന്റെ പിഎ ബൈഭവ് കുമാർ അറസ്റ്റിൽ. സ്വാതി മാലിവാൾ എംപിയെ മർദിച്ചെന്ന പരാതിയിലാണ് അറസ്റ്റ്. കേജ്രിവാളിന്റെ വീട്ടിൽ നിന്നാണ് ബൈഭവിനെ ഡൽഹി പൊലീസ് അറസ്റ്റ് ചെയ്തത്. സ്വാതി മാലിവാളിന്റെ പരാതിയ്ക്ക് പിന്നാലെ ഒളിവിൽ പോയ ബൈഭവിനെ സംരക്ഷിക്കുന്നത് കെജ്രിവാളാണെന്ന് ആരോപണം ഉയർന്നിരുന്നു. ഇതിനിടെയാണ് സിവിൽ ലൈനിലെ മുഖ്യമന്ത്രിയുടെ ഔദ്യോഗിക വസതിയിൽ നിന്ന് ബൈഭവിനെ പിടികൂടിയത്. സിവിൽ ലൈൻ പൊലീസ് സ്റ്റേഷനിലാണ് പൊലീസ് ബൈഭവിനെ എത്തിച്ചിരിക്കുന്നത്. ലക്‌നൗവിൽ നടക്കുന്ന ഇന്ത്യാ സഖ്യത്തിന്റെ വാർത്താസമ്മേളനത്തിൽ പങ്കെടുക്കാൻ കേജ്രിവാളിനും സഞ്ജയ് സിങ് എംപിക്കുമൊപ്പം തിരിച്ച ബൈഭവ്, വിവാദങ്ങളെത്തുടർന്ന് ഒളിവിൽ പോവുകയായിരുന്നു. ഇയാൾ അമൃത്സർ വരെ പോയതിന് തെളിവുണ്ടെന്നും പോലീസ് അറിയിച്ചു. ബൈഭവിനെ കണ്ടെത്താനായി നാല് സംഘങ്ങളായി തിരിഞ്ഞ് പൊലീസ് പഞ്ചാബിൽ തിരച്ചിൽ നടത്തി വരികയായിരുന്നു. ഇതിനിടെയാണ് കെജ്രിവാളിന്റെ വീട്ടിൽ ബൈഭവ് ഉണ്ടെന്ന് സൂചന ലഭിച്ചത്. തുടർന്ന് പോലീസ് ഇവിടെ പരിശോധന നടത്തുകയും ബൈഭവിനെ അറസ്റ്റ് ചെയ്യുകയുമായിരുന്നു. അതേസമയം, മുഖ്യമന്ത്രി അരവിന്ദ് കെജ്രിവാളിന്റെ വീട്ടിൽ വെച്ച് പേഴ്‌സണൽ അസിസ്റ്റന്റ് ആക്രമിച്ചെന്ന സ്വാതി മാലിവാളിന്റെ ആരോപണം ശരിവെച്ച് മെഡിക്കൽ റിപ്പോർട്ട് പുറത്തു വന്നിരുന്നു. സ്വാതിയുടെ മുഖത്ത് ആന്തരിക മുറിവുകൾ സംഭവിച്ചിട്ടുണ്ടെന്ന് റിപ്പോർട്ടിൽ വ്യക്തമാക്കിയിട്ടുണ്ട് കെജ്രിവാളിന്റെ വസതിയിലെത്തിയ തന്നെ മുഖത്ത് തല്ലുകയും ചവിട്ടുകയും വയറ്റിൽ ഇടിക്കുകയും ചെയ്തുവെന്നാണ് മാലിവാൾ വ്യക്തമാക്കിയിരുന്നത്. മാലിവാളിന്റെ വസതിയിലെത്തി അന്വേഷണ സംഘം മൊഴി രേഖപ്പെടുത്തിയ ശേഷമാണ് എഫ്ഐആർ രജിസ്റ്റർ ചെയ്തത്. സ്വാതിക്ക് നേരെ ആക്രമണം നടന്നതായി നേരത്തെ ആം ആദ്മി പാർട്ടി നേതാക്കളും സ്ഥിരീകരിച്ചിരുന്നു.