ലോകകപ്പ് യോഗ്യതാ റൗണ്ടിൽ പരാജയമറിയാതെ 6 മത്സരങ്ങൾ പൂർത്തിയാക്കി ശ്രീലങ്ക. സിംബാബ്വെയ്ക്കെതിരെ 9 വിക്കറ്റിന്റെ ഉജ്വല ജയത്തോടെയാണ് മുൻ ചാംപ്യൻമാരായ ശ്രീലങ്ക ഏകദിന ക്രിക്കറ്റ് ലോകകപ്പിന് ടിക്കറ്റെടുത്തത്. യോഗ്യതാ റൗണ്ടിൽ തങ്ങളുടെ ആദ്യ തോൽവി വഴങ്ങിയ സിംബാബ്വെയ്ക്ക് നാളെ സ്കോട്ലൻഡിനെതിരെ നടക്കുന്ന അവസാന മത്സരം നിർണായകമായി.
യോഗ്യതാ മത്സരങ്ങളിൽ ലങ്കയുടെ വിജയശിൽപികളായി മാറിയ ബോളർമാരാണ് ഇന്നലെ ആതിഥേയരായ സിംബാബ്വെയുടെ ലോകകപ്പ് മോഹങ്ങളും അട്ടിമറിച്ചത്. നവംബർ രണ്ടിന് മുംബൈ വാങ്കഡെ സ്റ്റേഡിയത്തിലാണ് ഇന്ത്യയും ശ്രീലങ്കയും തമ്മിലുള്ള ഗ്രൂപ്പ് മത്സരം. ക്വാളിഫയർ 2 എന്ന സ്ലോട്ടിലാണ് ശ്രീലങ്ക ലോകകപ്പിൽ കളിക്കുന്നത്.