ഹിറ്റ് പരമ്പരകളിലൂടെ മലയാളി പ്രേക്ഷകരുടെ മനം കവർന്ന താരമാണ് ജിസ്മി. സമൂഹമാധ്യമങ്ങളിലും സജീവമായ താരം പങ്കുവയ്ക്കുന്ന വിശേഷങ്ങൾക്കെല്ലാം വലിയ സ്വീകാര്യതയാണ് ലഭിക്കാറുള്ളത്. അത്തരത്തിൽ താരത്തിന്റെ പുത്തൻ വിശേഷമാണ് ആരാധകർ ഏറ്റെടുത്തിരിക്കുന്നത്. ജിസ്മിയുടെ രണ്ടാം വിവാഹം നടന്നിരിക്കുകയാണ്. താരം തന്നെയാണ് ഇക്കാര്യം ആരാധകരെ അറിയിച്ചത്. മിഥുനാണ് താരത്തിന്റെ ഭർത്താവ്.
അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിൽ പങ്കെടുത്തത്. ഇത് എപ്പോൾ സംഭവിച്ചു എന്ന ചോദ്യമാണ് ജിസ്മിയുടെ വിവാഹചിത്രങ്ങൾ സമൂഹമാധ്യമങ്ങളിൽ എത്തിയതോടെ ഏവരും ചോദിച്ചിരിക്കുന്നത്. ഒപ്പം തന്നെ താരത്തിന് ആശംസകൾ അറിയിക്കാനും ആരാധകർ മറന്നില്ല.
ജിസ്മിയുടെ ആദ്യവിവാഹം നടക്കുന്നത് ക്യാമറാമാനായിരുന്ന ഷിൻജിത്തിനൊപ്പം 2020 ൽ ആയിരുന്നു. കഴിഞ്ഞിടയ്ക്ക് താരം ഷിഞ്ജിത്തിനൊപ്പമുള്ള ചിത്രങ്ങളെല്ലാം തന്റെ ഇൻസ്റ്റാഗ്രാമിൽ നിന്നും റിമോവ് ചെയ്തിരുന്നു. അതിനു പിന്നിലെ കാരണം ഇതാണെന്നു ഇപ്പോഴാണ് ഏവരും അറിഞ്ഞത്.