സംസ്ഥാന സ്കൂൾ കായികമേളയ്ക്ക് പകരം സ്കൂൾ ഒളിമ്പിക്സ്. പുതിയ തീരുമാനം പങ്കുവെച്ചത് വിദ്യാഭ്യാസ മന്ത്രി വി ശിവൻകുട്ടിയാണ്. പുതിയ പേര് മാറ്റം അംഗീകരിച്ചാൽ അടുത്ത വർഷം മുതലാകും നിലവിൽ വരിക. പേര് മാറ്റത്തിന് ഒപ്പം ഗെയിംസും മേളയ്ക്കൊപ്പം ഉൾപ്പെടുത്തുന്നതിന് ആലോചിക്കുന്നുണ്ട്. കായികതാരങ്ങൾക് ജോലി നൽകുന്ന കാര്യത്തിൽ കേരളമാണ് മുൻപന്തിയിലെന്നും കഴിഞ്ഞ 7 വർഷത്തിനിടെ 676 പേർക്കാണ് ജോലി നൽകിയതെന്നും മന്ത്രി പറഞ്ഞു. ജോലി വെറും വാഗ്ദാനം അല്ലാതെ വേണ്ടത്ര പരിഗണ നൽകുന്നില്ലെന്ന് പരാതി ഉയരുമ്പോഴാണ് മന്ത്രിയുടെ പ്രതികരണം. കുട്ടികൾക്കു വേണ്ട സമയം നല്കുന്നില്ലെന്ന പരാതിയിൽ കഴമ്പില്ലെന്നും മന്ത്രി പ്രതികരിച്ചു. അടുത്ത വർഷത്തേക്കായി ഒരു സ്പോർട്സ് കലണ്ടർ ഉണ്ടാകാൻ പദ്ധതിയുള്ളതായും അദ്ദേഹം പറഞ്ഞു.
2023-10-19