സംസ്ഥാനത്ത് സ്കൂളുകള് തുറക്കുന്നത് ഓഗസ്റ്റ് മാസത്തിലെ കോവിഡ് വ്യാപനം വിലയിരുത്തിയതിന് ശേഷമെന്ന് പൊതുവിദ്യാഭ്യാസ വകുപ്പ്. ഓണത്തിനു ശേഷം
രോഗവ്യാപനം കുറവുള്ള മേഖലകളില് പരീക്ഷണാടിസ്ഥാനത്തില് സ്കൂളുകള് തുറക്കാന് ശ്രമിക്കും. സംസ്ഥാനത്തെ ഓരോ ജില്ലയിലും വിവിധ പഞ്ചായത്തുകളിലും രോഗ വ്യാപനത്തിന്റെ തീവ്രതയില് വ്യത്യാസമുണ്ട്. സെപ്തംബറിലും സ്കൂളുകള് തുറക്കാനായില്ലെങ്കില് സിലബസ് വെട്ടിച്ചുരുക്കും. എന്നാല് നിലവില് അത്തരമൊരു ആലോചന പരിഗണിക്കുന്നില്ലെന്ന് പൊതുവിദ്യാഭ്യാസ വകുപ്പ് അറിയിച്ചു. സ്കൂളുകളില് പലതും ഇപ്പോള് ഫസ്റ്റ് ലെവല് ട്രീറ്റ്മെന്റ് സെന്ററുകളാണ്. മഴ ശക്തമായാല് ആളുകളെ ഇവിടെ മാറ്റി പാര്പ്പിക്കാന് ഉപയോഗിക്കേണ്ടി വരും. ഇങ്ങനെ വന്നാല് സ്കൂളുകള് തുറക്കുന്നത് പിന്നെയും വൈകും.
2020-07-21