തങ്ങളുടെ ആദ്യ കൺമണിയുടെ പേര് വെളിപ്പെടുത്തി തെലുങ്ക് താരം രാം ചരണും ഭാര്യ ഉപാസനയും. കുടുംബത്തോടൊപ്പമുള്ള ചിത്രങ്ങൾ പങ്കുവച്ചാണ് രാം ചരൺ കുഞ്ഞിന്റെ പേര് ആരാധകരെ അറിയിച്ചത്. ക്ലിൻ കാര കോനിഡേല എന്നാണ് മകൾക്കു നൽകിയ പേര്.
ലളിത സഹസ്ര നാമത്തിൽ നിന്നാണ് പേര് തിരഞ്ഞെടുത്തത്. ദൈവീമായ അനുഭവം സമ്മാനിക്കുന്ന വളരെ പരിശുദ്ധമായ ഊർജം എന്നതാണ് ഈ പേര് കൊണ്ട് അർത്ഥമാക്കുന്നത്. ജൂൺ 20-ാം തീയതി രാവിലെയാണ് കുഞ്ഞ് ജനിച്ചത്. ആശുപത്രിയിൽ നിന്ന് പുറത്തിറങ്ങുന്ന സമയം രാം ചരണും ഭാര്യയും മാധ്യമങ്ങളോട് സംസാരിച്ചിരുന്നു.
സംഗീത സംവിധായകനും ഗായകനുമായ കാല ഭൈരവ രാമചരണിന്റെ കുഞ്ഞിനായി ഒരു ഗാനം ഒരുക്കിയിരുന്നു. പത്ത് വർഷത്തെ കാത്തിരിപ്പിന് ശേഷമാണ് ഇവർക്ക് കുഞ്ഞുണ്ടാകുന്നത്. അടുത്തിടെ, ഹ്യൂമൻസ് ഓഫ് ബോംബെയ്ക്ക് നൽകിയ അഭിമുഖത്തിൽ, വൈകി നടന്ന ഗർഭധാരണത്തെക്കുറിച്ച് ഉപാസന തുറന്ന് പറഞ്ഞിരുന്നു.