പുതുപ്പള്ളി തെരഞ്ഞെടുപ്പ്; സ്ഥാനാർത്ഥി പ്രഖ്യാപനം ഉടൻ ഉണ്ടാകുമെന്ന് ബിജെപി

On: August 12, 2023

കോട്ടയം: പുതുപ്പള്ളി തെരഞ്ഞെടുപ്പിൽ സ്ഥാനാർത്ഥി പ്രഖ്യാപനം ഉടൻ ഉണ്ടാകുമെന്ന് ബിജെപി. ദേശീയ സെക്രട്ടറി അനിൽ കെ ആന്റണിയാണ് ഇക്കാര്യം അറിയിച്ചു. ബിജെപി സ്ഥാനാർത്ഥിയ്ക്കായി പ്രചാരണത്തിനിറങ്ങുമെന്നും അദ്ദേഹംഅറിയിച്ചു.

ശനിയാഴ്ച സ്റ്റേറ്റ് കമ്മിറ്റിയുടെ യോഗം ചേരുന്നുണ്ട്. യോഗത്തിൽ സ്ഥാനാർത്ഥിത്വം ചർച്ചയാകും. താൻ ബിജെപിയെ പ്രതിനിധീകരിച്ച് മത്സരിക്കുമെന്നത് അഭ്യൂഹങ്ങൾ മാത്രമാണ്. ആര് സ്ഥാനാർത്ഥിയാകണമെന്ന കാര്യത്തിൽ പാർട്ടി അന്തിമ തീരുമാനമെടുക്കുമെന്നും അനിൽ ആന്റണി കൂട്ടിച്ചേർത്തു.

Previous Post: വനിതാ ജയിൽ തടവുകാർ കൈകാര്യം ചെയ്യുന്ന പെട്രോൾ ഔട്ട്‌ലെറ്റ് ആരംഭിച്ച് തമിഴ്നാട് സർക്കാർ

Next Post: സംവിധായകൻ സിദ്ധിഖിന്റെ വീട്ടിൽ തമിഴ് നടൻ സൂര്യയെത്തി

സൂര്യയുടെ മരണം; അരളിച്ചെടിയുടെ വിഷം ഉളളിൽ ചെന്നതാണ് ഹൃദ്രോഗത്തിലേക്ക് നയിച്ചതെന്ന് പോലീസ് റിപ്പോർട്ട്

ആലപ്പുഴ: വിദേശത്തേക്ക് ജോലിക്കായി പുറപ്പെടുമ്പോൾ വിമാനത്താവളത്തിൽ യുവതി കുഴഞ്ഞുവീണ് മരിച്ച സംഭവത്തിൽ അരളിച്ചെടിയുടെ വിഷം ഉളളിൽ ചെന്നതാണ് ഹൃദ്രോഗത്തിലേക്ക് നയിച്ചതെന്ന് റിപ്പോർട്ട്. പോലീസിന്റെ പ്രാഥമിക റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. സൂര്യയുടെ വീടിന് പരിസരത്തുളള അരളിച്ചെടിയുടെ ഇലയും പൂവും യുവതിയുടെ രക്ത സാംപിളും മൂന്നാഴ്ച മുൻപ് തിരുവനന്തപുരത്തെ ലാബിൽ പരിശോധനയ്ക്ക് അയച്ചിരുന്നു. ഇതിന്റെ ഫലം ഇതുവരെ കിട്ടിയിട്ടില്ല. റിപ്പോർട്ട് ലഭിച്ചാൽ മാത്രമേ യഥാർത്ഥ മരണകാരണം സ്ഥിരീകരിക്കാൻ കഴിയൂവെന്ന് പോലീസ് വ്യക്തമാക്കുന്നു. കഴിഞ്ഞ മാസം 28നായിരുന്നു പളളിപ്പാട് കൊണ്ടൂരേത്ത് സ്വദേശി സൂര്യാ സുരേന്ദ്രൻ വിമാനത്താവളത്തിൽ വെച്ച് കുഴഞ്ഞുവീണ് മരിച്ചത്. ചികിത്സയിലിരിക്കെയാണ് സൂര്യ മരണപ്പെട്ടത്. തുടർന്ന് പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്തു. യുവതിയെ പരിശോധിച്ച ഡോക്ടർമാരുടെ മൊഴി പോലീസ് രേഖപ്പെടുത്തിയിരുന്നു. വിമാനത്താവളത്തിലേക്ക് യാത്ര പുറപ്പെടുന്നതിന് മുൻപ് ഫോണിൽ സംസാരിക്കുന്നതിനിടെ വീട്ടിൽ വച്ച് ഏതോ ചെടിയുടെ ഇലയും പൂവും നുളളിയെടുത്ത് വായിലിട്ട് ചവച്ചെന്നും ശേഷം തുപ്പികളഞ്ഞെന്നും യുവതി പറഞ്ഞിരുന്നുവെന്നാണ് ഡോക്ടർമാർ വെളിപ്പെടുത്തിയത്. തുടർന്ന് നടത്തിയ പരിശോധനയിലാണ് അത് അരളിച്ചെടിയാണെന്ന് കണ്ടെത്തിയത്.
കോൺഗ്രസിൽ വീണ്ടും ഗ്രൂപ്പ് വഴക്ക് രൂക്ഷമാകുന്നു; സുധാകരനെതിരെ പരാതി നൽകാൻ എ ഗ്രൂപ്പ്

തിരുവനന്തപുരം: കോൺഗ്രസിൽ വീണ്ടും ഗ്രൂപ്പ് വഴക്ക് രൂക്ഷമാകുന്നു. കെപിസിസി അദ്ധ്യക്ഷൻ കെ സുധാകരനെതിരെ ഹൈക്കമാൻഡിൽ പരാതി നൽകാനാണ് എ ഗ്രൂപ്പ് തീരുമാനിച്ചിരിക്കുന്നത്. കെപിസിസി മുൻ സെക്രട്ടറി എം എ ലത്തീഫിന്റെ സസ്‌പെൻഷൻ പിൻവലിച്ച എം എം ഹസന്റെ നടപടി സുധാകരൻ റദ്ദാക്കിയതാണ് ഗ്രൂപ്പ് വഴക്ക് രൂക്ഷമാകാൻ കാരണം. തീരുമാനങ്ങൾ തിരുത്തി ഹസനെ അപമാനിക്കാൻ സുധാകരൻ ശ്രമിക്കുന്നുവെന്നാണ് എ ഗ്രൂപ്പിന്റെ പരാതി. അതേസമയം, കെ സുധാകരൻ ഡൽഹിയിലേക്ക് പോയി കോൺഗ്രസ് അധ്യക്ഷൻ മല്ലികാർജുൻ ഖർഗെയുമായി ചർച്ച നടത്തുമെന്ന വിവരങ്ങളും പുറത്തു വരുന്നുണ്ട്. കൂടിയാലോചന നടത്താതെയാണ് ലത്തീഫിന്റെ സസ്‌പെൻഷൻ ഹസൻ പിൻവലിച്ചതെന്നും തന്നെയോ പ്രതിപക്ഷ നേതാവ് വി ഡി സതീശനെയോ ഇക്കാര്യം അറിയിക്കണമായിരുന്നുവെന്നും കെ സുധാകരൻ മല്ലികാർജുൻ ഖാർഗെയെ ധരിപ്പിക്കും.
മോദിയെ അപകീർത്തിപ്പെടുത്താൻ ഡികെ 100 കോടി വാഗ്ദാനം ചെയ്തു; ആരോപണവുമായി ജി ദേവരാജഗൗഡ

കർണാടക: കോൺഗ്രസ് നേതാവും കർണാടക ഉപമുഖ്യമന്ത്രിയുമായ ഡി കെ ശിവകുമാറിനെതിരെ ഗുരുതര ആരോപണം ഉന്നയിച്ച് ബിജെപി നേതാവ് ജി ദേവരാജഗൗഡ. ജെഡിഎസ് സംസ്ഥാന അധ്യക്ഷൻ എച്ച്ഡി കുമാരസ്വാമിയുടെയും പ്രധാനമന്ത്രി നരേന്ദ്ര മോദിയുടെയും പേരുകൾ അപകീർത്തിപ്പെടുത്താൻ ഡികെ ശിവകുമാർ തനിക്ക് 100 കോടി രൂപ വാഗ്ദാനം ചെയ്തുവെന്ന് ജി ദേവരാജ ഗൗഡ വ്യക്തമാക്കിയത്. അറസ്റ്റിലായ അദ്ദേഹത്തെ ജുഡീഷ്യൽ കസ്റ്റഡിയിൽ വിട്ടിരുന്നു. ഇതിന് ശേഷം പൊലീസ് വാഹനത്തിൽ നിന്ന് മാധ്യമപ്രവർത്തകരോട് സംസാരിക്കവെയാണ് അദ്ദേഹം ഇക്കാര്യം അറിയിച്ചത്. തനിക്ക് അഡ്വാൻസായി അഞ്ച് കോടി രൂപ അയച്ചിരുന്നു. താൻ വാഗ്ദാനം നിരസിച്ചതിന് ശേഷം, തനിക്കെതിരെ പൊലീസ് കേസുകൾ രജിസ്റ്റർ ചെയ്യുകയും അറസ്റ്റ് ചെയ്യുകയും ചെയ്തു. താൻ പുറത്തിറങ്ങിയാൽ ഡി കെ ശിവകുമാറിനെ തുറന്നുകാട്ടാൻ തയ്യാറാണ്. കർണാടകയിൽ കോൺഗ്രസ് സർക്കാർ തകരാൻ പോകുകയാണ്. പ്രജ്വൽ രേവണ്ണയുടെ സെക്സ് വീഡിയോകൾ അടങ്ങിയ പെൻഡ്രൈവുകൾ പ്രചരിപ്പിച്ചത് എച്ച്ഡി കുമാരസ്വാമിയാണെന്ന് പ്രസ്താവന നടത്താൻ തന്നോട് പറഞ്ഞു. എന്നാൽ പ്രജ്വൽ രേവണ്ണയുടെ ഡ്രൈവറായി ജോലി ചെയ്തിരുന്ന കാർത്തിക് ഗൗഡയിൽ നിന്ന് പെൻഡ്രൈവ് വാങ്ങിയത് ഡികെ ശിവകുമാറാണ്. മോദിക്കും കുമാരസ്വാമിക്കും ബിജെപിക്കുമെതിരെ അപകീർത്തി വരുത്താൻ അവർ വലിയ രീതിയിൽ പദ്ധതിയിട്ടിരുന്നു. അവർ തനിക്ക് 100 കോടി വാഗ്ദാനം ചെയ്യുകയും ബൗറിംഗ് ക്ലബ്ബിലെ റൂം നമ്പർ 110 ലേക്ക് 5 കോടി രൂപ അഡ്വാൻസ് ആയി അയക്കുകയും ചെയ്തുവെന്നും അദ്ദേഹം വെളിപ്പെടുത്തി. ചന്നരായപട്ടണത്തെ ഒരു പ്രാദേശിക നേതാവായ ഗോപാലസ്വാമിയെയാണ് ഇടപാട് ചർച്ച ചെയ്യാൻ അയച്ചതെന്നും ദേവരാജെ ഗൗഡ പറഞ്ഞു. ലൈംഗിക അഴിമതിയുമായി ബന്ധപ്പെടുത്തി പ്രധാനമന്ത്രി മോദിയുടെ പേര് മോശമാക്കാനാണ് ഡികെ ശിവകുമാർ 100 കോടി രൂപ വാഗ്ദാനം ചെയ്തത്. കുമാരസ്വാമിയെ രാഷ്ട്രീയമായി അവസാനിപ്പിക്കുകയാണ് ശിവകുമാറിന്റെ പ്രധാന ലക്ഷ്യമെന്നും ദേവരാജെ ഗൗഡ അറിയിച്ചു.
തീർത്ഥാടക സംഘം സഞ്ചരിച്ചിരുന്ന ബസിന് തീപിടിച്ചു; എട്ട് പേർ വെന്തുമരിച്ചു

ചണ്ഡീഗഡ്: ബസിന് തീപിടിച്ച് എട്ട് പേർ വെന്തുമരിച്ചു. ഹരിയാനയിലാണ് സംഭവം. തീർത്ഥാടക സംഘം സഞ്ചരിച്ചിരുന്ന ബസിനാണ് തീപിടിച്ചത്. ഹരിയാനയിലെ കുണ്ഡലി-മനേസർ-പൽവാൽ എക്സ്പ്രസ് വേയിൽ ശനിയാഴ്ച പുലർച്ചെ 1.30ഓടെയാണ് അപകടം ഉണ്ടായത്. അപകടത്തിൽ നിരവധി പേർക്ക് പരിക്കേറ്റു. ഉത്തർപ്രദേശിലെ മഥുരയിലും മറ്റ് തീർഥാടന കേന്ദ്രങ്ങളിലും സന്ദർശനം നടത്തി മടങ്ങിയവരാണ് ബസിലുണ്ടായിരുന്നത്. പഞ്ചാബ് സ്വദേശികളായ സ്ത്രീകളും കുട്ടികളും ഉൾപ്പെടെ 60 ഓളം പേരാണ് ബസിലുണ്ടായിരുന്നു. ബസിന്റെ പിൻഭാഗത്ത് നിന്നും തീ പടർന്നാണ് അപകടം സംഭവിച്ചത്. ബസിന്റെ പിൻഭാഗത്ത് പുകയും തീയും ശ്രദ്ധയിൽപ്പെട്ട ഒരു ബൈക്ക് യാത്രികനാണ് വിവരം ബസിലുള്ളവരെ അറിയിച്ചത്. ബസ് നിർത്തി ആളുകളെ ഇറക്കുമ്പോഴേക്കും തീ പടർന്ന് പിടിക്കുകയായിരുന്നു. 10 ദിവസത്തെ തീർഥാടന യാത്രയുടെ അവസാന ദിവസമാണ് അപകടം ഉണ്ടായത്. തങ്ങൾ വാടകയ്ക്ക് എടുത്ത ബസാണ് അപകത്തിൽപ്പെട്ടതെന്നും യുപിയിലെ തീർഥാടന കേന്ദ്രങ്ങളിലെ സന്ദർശനം കഴിഞ്ഞ് വെള്ളിയാഴ്ച രാത്രിയോടെയാണ് ഉത്തർപ്രദേശിൽ നിന്നും നാട്ടിലേക്ക് യാത്ര തിരിച്ചതെന്നും അപകടത്തിൽ നിന്നും രക്ഷപ്പെട്ടവർ വ്യക്തമാക്കുന്നു.
റെക്കോർഡ് കുതിപ്പ്; സംസ്ഥാനത്ത് സ്വർണ്ണ വില വീണ്ടും വർദ്ധിച്ചു

തിരുവനന്തപുരം: സംസ്ഥാനത്ത് സ്വർണ്ണ വില വീണ്ടും വർദ്ധിച്ചു. ഗ്രാമിന് 80 രൂപയുടെ വർദ്ധനവാണ് ഇപ്പോൾ ഉണ്ടായിരിക്കുന്നത്. 6,840 രൂപയാണ് ഇന്ന് ഒരു ഗ്രാം സ്വർണ്ണത്തിന്റെ വില. പവന് 640 രൂപയാണ് വർദ്ധിച്ചത്. 54,720 രൂപയാണ് ഒരു പവൻ സ്വർണ്ണത്തിന്റെ വില. ഏപ്രിൽ 19 ന് രേഖപ്പെടുത്തിയ 54,520 രൂപയായിരുന്നു ഇതിന് മുൻപുള്ള റെക്കോർഡ് വില. രാജ്യാന്തര വിപണിയിലെ വിലവർധനവാണ് കേരളത്തിലും വില കൂടാൻ കാരണം. പലിശ നിരക്കിൽ മാറ്റമില്ലാതെ തൽസ്ഥിതി തുടരുമെന്ന യുഎസ് ഫെഡറൽ റിസർവിന്റെ പണനയ പ്രഖ്യാപനമാണ് ഇപ്പോഴത്തെ സ്വർണ്ണവില വർദ്ധനവിന് കാരണം. നിക്ഷേപകർ വലിയതോതിൽ സ്വർണ്ണത്തിൽ താൽപ്പര്യം കാട്ടുന്നതും വിലവർദ്ധനയ്ക്ക് കാരണമായിട്ടുണ്ട്. രാജ്യാന്തര സ്വർണവില ഔൺസിന് 2414 ഡോളർ നിരക്കിലാണ് വ്യാപാരം തുടരുന്നത്. ഒരു ഗ്രാം 18 കാരറ്റ് സ്വർണ്ണത്തിന് ഇന്ന് 65 രൂപയാണ് ഉയർന്നത്. 5,596 രൂപയാണ് ഇന്ന് ഒരു ഗ്രാം 18 കാരറ്റ് സ്വർണ്ണത്തിന്റെ വില. ഒരു പവൻ 18 കാരറ്റ് സ്വർണ്ണത്തിന്റെ വില 44,248 രൂപയാണ്.