നടി മഞ്ജുവാര്യരെ പ്രശംസിച്ച് സൂപ്പർസ്റ്റാർ രജനികാന്ത്. വാട്ട് എ ജെന്റിൽ ലേഡി എന്നാണ് മഞ്ജുവിനെ പ്രശംസിച്ചുകൊണ്ട് രജനികാന്ത് പറഞ്ഞത്. വേട്ടയ്യൻ സിനിമയുടെ ഓഡിയോ ലോഞ്ചിനിടെയായിരുന്നു താരത്തിന്റെ പരാമർശം.
മഞ്ജു വാര്യർ, വാട്ട് എ ലേഡി,വാട്ട് എ ജെന്റിൽ ലേഡി. ഡിഗ്നിഫൈഡ്- എന്ന് രജനികാന്ത് പറഞ്ഞു. സദസിൽ നിന്ന് എഴുന്നേറ്റ് കൈകൂപ്പിയാണ് മഞ്ജു രജനികാന്തിന്റെ വാക്കുകൾക്ക് നന്ദി അറിയിച്ചത്.
നായികയായി മഞ്ജു വാര്യർ എത്തിയാൽ നന്നാകുമെന്ന് സംവിധായകൻ ജ്ഞാനവേലാണ് തന്നോട് പറഞ്ഞതെന്ന് രജനികാന്ത് പറയുന്നു. മഞ്ജുവിന്റെ കൂടുതൽ സിനിമകളൊന്നും താൻ കണ്ടിട്ടില്ല. ആകെ കണ്ടത് അസുരനാണ്. പ്രായമായ കഥാപാത്രമാണത്. ഈ സിനിമയിൽ നായികയായി മഞ്ജു ഉചിതമായിരിക്കുമെന്ന് തോന്നിയെന്നും താരം കൂട്ടിച്ചേർത്തു.
ബോളിവുഡ് താരം അമിതാഭ് ബച്ചൻ ഉൾപ്പെടെ നിരവധി താരങ്ങളാണ് വേട്ടയ്യൻ എന്ന ചിത്രത്തിൽ വേഷമിടുന്നത്. ഫഹദ് ഫാസിലും ചിത്രത്തിൽ അഭിനയിച്ചിട്ടുണ്ട്. റാണ ദഗ്ഗുബതി, ശർവാനന്ദ്, അഭിരാമി, രമേശ് തിലക്, രീതിക സിങ്, ദുഷാര വിജയൻ, രാമയ്യ സുബ്രമണ്യൻ, കിഷോർ, രോഹിണി, രവി മരിയ തുടങ്ങിയ താരനിരയിലും ചിത്രത്തിലുണ്ട്.