വിരുദുനഗർ: പടക്ക നിർമ്മാണ ഫാക്ടറിയിൽ സ്ഫോടനം. തമിഴ്നാട്ടിലെ വിരുദുനഗറിലാണ് സ്ഫോടനം ഉണ്ടായത്. സത്തൂർ മേഖലയിലെ പടക്ക നിർമാണ ഫാക്ടറിയിലാണ് സ്ഫോടനം ഉണ്ടായതെന്ന് അധികൃതർ വ്യക്തമാക്കി. ഫാക്ടറിയിൽ ഇപ്പോഴും തീ ആളിപ്പടരുകയാണെന്ന് ഫയർ ആൻഡ് റെസ്ക്യൂ ഡിപ്പാർട്ട്മെന്റിലെ ഉദ്യോഗസ്ഥർ അറിയിച്ചു.
സംഭവ സ്ഥലത്ത് സ്ഥിതിഗതികൾ നിയന്ത്രണവിധേയമാക്കാൻ ഇതുവരെ കഴിഞ്ഞിട്ടില്ല. ഫാക്ടറിയ്ക്കുള്ളിൽ സ്ഫോടനങ്ങൾ തുടരുന്നതിനാൽ ആർക്കും അതിന് അടുത്തേയ്ക്ക് എത്താൻ കഴിയുന്നില്ലെന്നാണ് വിവരം. സ്ഫോടനമുണ്ടാകാനുള്ള കാരണമെന്താണെന്ന് വ്യക്തമാക്കിയിട്ടില്ല. ഇതുസംബന്ധിച്ച് അന്വേഷണം നടത്തുമെന്ന് അധികൃതർ വ്യക്തമാക്കി.