തിരുവനന്തപുരം: കെപിസിസി നേതൃയോഗം മെയ് 4ന് ചേരും. ലോക്സഭാ തെരഞ്ഞെടുപ്പ് വിലയിരുത്താൻ വേണ്ടിയാണ് യോഗം ചേരുക. മെയ് നാലിന് രാവിലെ 10.30 ന് ഇന്ദിരാഭാവനിൽ യോഗം ചേരുമെന്ന് കെപിസിസി ജനറൽ സെക്രട്ടറി ജി എസ് ബാബു അറിയിച്ചു. ആക്ടിങ് പ്രസിഡന്റ് എംഎം ഹസൻ യോഗത്തിന് അധ്യക്ഷത വഹിക്കും.
സംഘടനാ ചുമതലയുള്ള എഐസിസി ജനറൽ സെക്രട്ടറി കെ സി വേണുഗോപാൽ, കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി ദീപാദാസ് മുൻഷി ലോക്‌സഭയിലേക്കു മത്സരിച്ച കോൺഗ്രസ് സ്ഥാനാർത്ഥികൾ, എംഎൽഎമാർ, കെപിസിസി ഭാരവാഹികൾ, രാഷ്ട്രീയകാര്യ സമിതിയംഗങ്ങൾ, ഡിസിസി പ്രസിഡന്റുമാർ തുടങ്ങിയവർ ഈ യോഗത്തിൽ പങ്കുചേരുമെന്ന് കോൺഗ്രസ് വൃത്തങ്ങൾ അറിയിച്ചു.