തിരുവനന്തപുരം: സംസ്ഥാനത്ത് സ്വർണ്ണവില സർവ്വകാല റെക്കോർഡിൽ. ചരിത്രത്തിലെ ഏറ്റവും ഉയർന്ന വിലയിലേക്ക് ഇന്ന് സ്വർണ്ണവ്യാപാരം എത്തി. ഒരു പവൻ സ്വർണ്ണത്തിന് 53,640 രൂപയാണ് ഇന്നത്തെ വില. 7,035 രൂപയാണ് ഒരു ഗ്രാം സ്വർണത്തിന്റെ വില. 90 രൂപയാണ് ഗ്രാമിന് വർദ്ധിച്ചത്. പവന് 720 രൂപയുടെ വർദ്ധനവ് രേഖപ്പെടുത്തി.
രാജ്യാന്തര വിപണിയിലെ വിലവർധനവാണ് കേരളത്തിലും വില കൂടാൻ കാരണം. പലിശ നിരക്കിൽ മാറ്റമില്ലാതെ തൽസ്ഥിതി തുടരുമെന്ന യുഎസ് ഫെഡറൽ റിസർവിന്റെ പണനയ പ്രഖ്യാപനമാണ് ഇപ്പോഴത്തെ സ്വർണ്ണവില വർദ്ധനവിന് കാരണം. നിക്ഷേപകർ വലിയതോതിൽ സ്വർണ്ണത്തിൽ താൽപ്പര്യം കാട്ടുന്നതും വിലവർദ്ധനയ്ക്ക് കാരണമായിട്ടുണ്ട്.
ഏപ്രിൽ മാസം വലിയ വർദ്ധനവാണ് സ്വർണ്ണവിലയിൽ ഉണ്ടായത്. ഈ മാസം ഒന്നിന് 50,880 രൂപയായിരുന്നു ഒരു പവൻ സ്വർണ്ണത്തിന്റെ നിരക്ക്. ഏപ്രിൽ രണ്ടിന് ഒരു പവൻ സ്വർണ്ണത്തിന്റെ വില 50,680 രൂപയായിരുന്നു. ഏപ്രിൽ മൂന്നിന് 51,280 രൂപയായിരുന്നു ഏപ്രിൽ നാലിന് 51,680 രൂപയും ഏപ്രിൽ അഞ്ചിന് 51,320 രൂപയുമായിരുന്നു വില. ഏപ്രിൽ ആറിനും ഏഴിനും 52280 രൂപയായിരുന്നു നിരക്ക്. ഏപ്രിൽ എട്ടിന് ഒരു പവന്റെ വില 52,520 രൂപയായി വർധിച്ചു. ഏപ്രിൽ 11 ന് 52,960 രൂപയും ഏപ്രിൽ 12 ന് 53,760 രൂപയും ഏപ്രിൽ 13 നും ഏപ്രിൽ 14 നും 52,260 രൂപയുമായിരുന്നു നിരക്ക്. ഏപ്രിൽ 15 ന് 53,640 രൂപയായിരുന്നു ഒരു പവൻ സ്വർണ്ണത്തിന്റെ വില.
ഒരു ഗ്രാം 18 കാരറ്റ് സ്വർണ്ണത്തിന് 5,559 രൂപയാണ് ഇന്നത്തെ നിരക്ക്.