തിരുവനന്തപുരം: കോൺഗ്രസിനെതിരെ ആഞ്ഞടിച്ച് എൽഡിഎഫ് കൺവീനർ ഇ പി ജയരാജൻ. മുസ്ലിം ലീഗിനെ കോൺഗ്രസ് അപമാനിക്കുകയാണെന്ന് അദ്ദേഹം പറഞ്ഞു.
കോൺഗ്രസിന്റെ ചവിട്ടും കുത്തുമേറ്റ് യുഡിഎഫിൽ തുടരണോയെന്ന് ലീഗ് ആലോചിക്കണമെന്ന് ഇപി ജയരാജൻ ആവശ്യപ്പെട്ടു. ലീഗിനെ പരിഗണിക്കേണ്ടതാണെന്നും 60 വർഷമായി മുസ്ലിം ലീഗിന് രണ്ടു സീറ്റാണെന്നും അദ്ദേഹം വ്യക്തമാക്കി.
കോൺഗ്രസ് ജാഥയിൽ മുസ്ലിം ലീഗിനെ അടുപ്പിക്കുന്നില്ലെന്ന് ജയരാജൻ അറിയിച്ചു. കോൺഗ്രസ് നേതാക്കൾ തമ്മിൽ ഇപ്പോൾ തെറിവിളിയാണ്. ഇനി നടക്കാനുള്ളത് അടിയാണെന്നും ഇപി ജയരാജൻ കൂട്ടിച്ചേർത്തു.
അതേസമയം, മൂന്നാം സീറ്റിൽ മുസ്ലിം ലീഗ് നിലപാട് കടുപ്പിച്ചിരിക്കുകയാണ്. കോൺഗ്രസുമായുള്ള ചർച്ച പരാജയപ്പെട്ടാൽ ഒറ്റയ്ക്ക് മത്സരിക്കാനാണ് ലീഗ് പദ്ധതിയിടുന്നതെന്നാണ് വിവരം.