മസ്കറ്റ്: അധിക ബാഗേജിന് എയർ ഇന്ത്യ എക്സ്പ്രസ് നിരക്കിളവ് പ്രഖ്യാപിച്ചു. ഒമാനിൽ നിന്ന് ഇന്ത്യയിലേക്കുള്ള യാത്രക്കാർക്കാണ് അധിക ബാഗേജുകൾക്ക് നിരക്കിളവ് പ്രഖ്യാപിച്ചിരിക്കുന്നത്. 45 ശതമാനം വരെയാണ് അധിക ബാഗേജിന് ഇളവ് നൽകിയിരിക്കുന്നത്.
മുൻകൂട്ടി ടിക്കറ്റ് ബുക്ക് ചെയ്യുന്നവർക്ക് മാർച്ച് 30 വരെ ഇളവ് ലഭിക്കുക. നേരത്തെ 16 റിയാലാണ് അഞ്ച് കിലോ അധിക ബാഗേജിന് ഈടാക്കിയിരുന്നത്. ഇപ്പോൾ ഇത് ഒമ്പത് റിയാലായി കുറഞ്ഞു.
10 കിലോ അധിക ബാഗേജിന് 32 റിയാലിയിരുന്നത് 18 റിയാലായി കുറഞ്ഞു. 15 കിലോ അധിക ബാഗേജിന് 52 റിയാലിൽ നിന്ന് 30 റിയാലായും കുറഞ്ഞു. അതേസമയം, ടിക്കറ്റിനൊപ്പമുള്ള ബാഗേജ് നിരക്കുകൾ സാധാരണ നിലയിൽ തുടരുമെന്നും അധികൃതർ വ്യക്തമാക്കി.