യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിന്റെ ജാമ്യ ഹര്ജി ജനുവരി 17ന് പരിഗണിക്കും. ജാമ്യ ഹര്ജി പരിഗണിക്കുന്നത്, തിരുവനന്തപുരം ജില്ലാ പ്രിന്സിപ്പല് സെക്ഷന്സ് കോടതിയാണ്. രാഹുല് മാങ്കൂട്ടത്തിലിനെ സെക്രട്ടേറിയറ്റ് മാര്ച്ചിലെ സംഘര്ഷത്തിലാണ് പൊലീസ് അറസ്റ്റ് ചെയ്തത്. രാഹുല്, കേസിലെ നാലാം പ്രതിയാണ്. ജാമ്യാപേക്ഷ, വഞ്ചിയൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി (3) തള്ളിയിരുന്നു.
രാഹുലിനെ ഈ മാസം 22വരെ റിമാന്ഡില് വിട്ടിരുന്നു. രാഹുലിന് വൈദ്യ പരിശോധനയില് ഗുരുതര ആരോഗ്യ പ്രശ്നങ്ങളില്ലെന്ന് റിപ്പോര്ട്ട് വന്നതോടെയാണ് ജാമ്യാപേക്ഷ തള്ളിയത്. സമരത്തിനിടെ സ്ത്രീകളെ മുന്നില് നിര്ത്തി പൊലീസിനെ പട്ടികകൊണ്ട് അടിച്ചുവെന്ന് ജാമ്യാപേക്ഷ എതിര്ത്ത് പൊലീസ് കോടതിയില് പറഞ്ഞു. പൊലീസ്, രാഹുലിന് ജാമ്യം നല്കിയാല് സമൂഹത്തിന് തെറ്റായ സന്ദേശം നല്കുമെന്ന് അറിയിച്ചു. രാഹുലിനെതിരെ അനുമതിയില്ലാത്ത സമരം , പൊതുമുതല് നശിപ്പിക്കല്, കൃത്യനിര്വ്വഹണത്തില് തടസം വരുത്തല് തുടങ്ങിയ വകുപ്പുകളാണ് ചുമത്തിയിട്ടുളളത്.