30 കോടി രൂപകൂടി കെഎസ്ആർടിസിക്ക് സംസ്ഥാന സർക്കാർ സഹായമായി അനുവദിച്ചതായി ധനമന്ത്രി കെ.എൻ ബാലഗോപാൽ അറിയിച്ചു. 121 കോടി രൂപ കഴിഞ്ഞ മാസം നൽകിയിരുന്നു. കോർപറേഷന് ഒമ്പത് മാസത്തിനുള്ളിൽ 1,380 കോടിയാണ് സർക്കാർ സഹായമായി ലഭിച്ചത്. 900 കോടിയാണ് ഈ വർഷത്തെ ബജറ്റ് വകയിരുത്തിയിട്ടുള്ളത്. 5084 കോടി രൂപ രണ്ടാം പിണറായി സർക്കാർ കെഎസ്ആർടിസിക്കായി നീക്കിവച്ചു. 4936 കോടി ഒന്നാം പിണറായി സർക്കാർ നൽകി. രണ്ട് എൽഡിഎഫ് സർക്കാരുകൾ ഏഴര വർഷത്തിനുള്ളിൽ നൽകിയത് 10,020 കോടി രൂപയാണെന്നും മന്ത്രി പറഞ്ഞു.
2024-01-10