പാലാരിവട്ടത്തെ കോൺഗ്രസ് പ്രതിഷേധത്തിൽ ജനപ്രതിനിധികളടക്കുമുള്ള നേതാക്കൾക്കെതിരെ കേസെടുത്ത് പൊലീസ്

On: January 2, 2024

പാലാരിവട്ടത്തെ കോൺഗ്രസ് പ്രതിഷേധത്തിൽ ജനപ്രതിനിധികളടക്കുമുള്ള നേതാക്കൾക്കെതിരെ കേസെടുത്ത് പൊലീസ്. ഒന്നാംപ്രതി എറണാകുളം ഡിസിസി അധ്യക്ഷൻ മുഹമ്മദ് ഷിയാസാണ്. കേസിൽ ഹൈബി ഈഡൻ എംപിയെയും മൂന്ന് എംഎൽഎമാരെയുംപ്രതികളാക്കിയിട്ടുണ്ട്.

കണ്ടാൽ അറിയാവുന്ന 70 പേർക്കെതിരെയും കേസെടുത്തു. കോൺഗ്രസ് പ്രവർത്തകർ പാലാരിവട്ടം പൊലീസ് സ്റ്റേഷൻ ഉപരോധിച്ചത് നവകേരള സദസ്സിൽ പങ്കെടുക്കാനെത്തിയ മുഖ്യമന്ത്രി പിണറായി വിജയനെ കരിങ്കൊടി കാണിച്ചതിന് അറസ്റ്റിലായ യൂത്ത് കോൺഗ്രസ് പ്രവർത്തകർക്ക് ജാമ്യം നൽകാത്തതിൽ പ്രതിഷേധിച്ചാണ്.

സമരം തിങ്കളാഴ്ച രാത്രി എട്ടോടെയാണ് ആരംഭിച്ചത്. ഡി.സി.സി പ്രസിഡൻറ് മുഹമ്മദ് ഷിയാസ്, ഹൈബി ഈഡൻ എം.പി, എം.എൽ.എമാരായ ടി.ജെ. വിനോദ്, ഉമ തോമസ്, അൻവർ സാദത്ത് എന്നിവരുടെ നേതൃത്വത്തിലാണ് ഉപരോധ സമരം.ജനപ്രതിനിധികൾ അടക്കമുള്ളവർ സമരം നടത്തുന്നതിനിടെ, പിരിഞ്ഞുപോയില്ലെങ്കിൽ തല്ലി ഓടിക്കുമെന്ന് സ്റ്റേഷനുള്ളിൽനിന്ന് എസ്.ഐ ഭീഷണി മുഴക്കിയതായി ആരോപിച്ച് പ്രവർത്തകർ സ്റ്റേഷനുള്ളിലേക്ക് തള്ളിക്കയറാൻ ശ്രമിച്ചത് സംഘർഷത്തിനിടയാക്കി.

ഇതേസമയം, പൊലീസ്, മണിക്കൂറുകൾ സമരം നീണ്ടിട്ടും ചർച്ചക്ക് തയാറായില്ലെന്ന് ആരോപിച്ച് ഒരുവിഭാഗം പ്രവർത്തകർ റോഡ് ഉപരോധവും ആരോപിച്ചു. ജാമ്യമില്ലാ വകുപ്പുകൾ ചുമത്തി കരിങ്കൊടി പ്രതിഷേധം നടത്തിയ പ്രവർത്തകരെ ജയിലിലടക്കാനുള്ള നീക്കം അനുവദിക്കില്ലന്ന് മുഹമ്മദ് ഷിയാസ് പറഞ്ഞു.

Previous Post: പ്രസ്താവന പിൻവലിച്ച് സജി ചെറിയാൻ വിശദീകരണം നൽകണം; ക്ലിമ്മിസ് കാതോലിക്ക ബാവ

Next Post: കുട്ടികർഷർകർക്ക് സഹായവുമായി നടൻ ജയറാം

3.02 കോടി രൂപ വിലമതിക്കുന്ന സ്വത്തുക്കൾ; പ്രധാനമന്ത്രിയുടെ സ്വത്ത് വിവരകണക്കുകൾ ഇങ്ങനെ

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ വാർഷിക വരുമാനം 2018 ന് ശേഷം ഇരട്ടിയായി വർധിച്ചു. നാമനിർദ്ദേശ പത്രികയോടൊപ്പം സമർപ്പിച്ച സത്യവാങ്മൂലത്തിലാണ് ഇക്കാര്യം വ്യക്തമാക്കിയിട്ടുള്ളത്. 3.02 കോടി രൂപ വിലമതിക്കുന്ന സ്വത്തുക്കൾ സ്വന്തമായുണ്ടെന്നും 52,920 രൂപ പണമായി കൈവശമുണ്ടെന്നും സത്യവാങ്മൂലത്തിൽ പറയുന്നു. സ്വന്തമായി സ്ഥലമോ വീടോ കാറോ ഇല്ലെന്നും സത്യവാങ്മൂലത്തിൽ വ്യക്തമാക്കിയിട്ടുണ്ട്. 2018-19 സാമ്പത്തിക വർഷത്തിലെ 11 ലക്ഷത്തിൽ നിന്ന് 2022-23 ൽ 23.5 ലക്ഷമായി പ്രധാനമന്ത്രി മോദിയുടെ നികുതി വിധേയ വരുമാനം ഇരട്ടിയായി. പ്രധാനമന്ത്രി മോദിക്ക് സ്റ്റേറ്റ് ബാങ്ക് ഓഫ് ഇന്ത്യയിൽ രണ്ട് അക്കൗണ്ടുകളുണ്ട്. എസ്ബിഐയുടെ ഗാന്ധിനഗർ ശാഖയിൽ 73,304 രൂപയും എസ്ബിഐയുടെ വാരാണസി ശാഖയിൽ 7,000 രൂപയും നിക്ഷേപം ഉണ്ട്. എസ്ബിഐയിൽ 2,85,60,338 രൂപയുടെ ഫിക്സഡ് ഡിപ്പോസിറ്റ് ഉണ്ടെന്നും സത്യവാങ്മൂലത്തിൽ വിശദീകരിക്കുന്നു. അതേസമയം, കോൺഗ്രസ് നേതാവ് രാഹുൽ ഗാന്ധിയുടെ വരുമാനം പ്രധാനമന്ത്രിയുടേതിനേക്കാൾ നാലു മടങ്ങാണ്. 2022-23 ൽ രാഹുൽ ഗാന്ധിയുടെ പ്രഖ്യാപിത വരുമാനം 1.02 കോടിയാണ്. പ്രധാനമന്ത്രിയുടേത് 23.56 ലക്ഷവും. മോദിയേക്കാൾ നാലുമടങ്ങ് വരുമാനം രാഹുലിനുണ്ടെന്നാണ് കണക്കുകളിൽ നിന്നും വ്യക്തമാകുന്നത്. 2018-19 ൽ മോദിയുടെ വരുമാനം 11.14 ലക്ഷമായിരുന്നു. അത് 2022-23 ൽ ഇരട്ടിച്ചു. 2018-19 ൽ 1.20 കോടി വരുമാനം ഉണ്ടായിരുന്ന രാഹുലിന്റെ 2022-23 ലെ വരുമാനം 1.02 കോടിയാണ്.
തങ്ങൾക്കിടയിലെ ഏറ്റവും വലിയ വഴക്ക് ഇതാണ്; തുറന്നു പറഞ്ഞ് സുപ്രിയ മേനോൻ

പ്രേക്ഷകർക്ക് ഏറെ ഇഷ്ടപ്പെട്ട താരമാണ് പൃഥ്വിരാജ്. അതുപോലെ തന്നെ താരത്തിന്റെ ഭാര്യ സുപ്രിയ മേനോനും ആരാധകരേറെയുണ്ട്. പൃഥ്വിയെ കുറിച്ച് സുപ്രിയ പറഞ്ഞ വാക്കുകളാണ് ഇപ്പോൾ വൈറലാകുന്നത്. പൃഥിയുടെ തിരക്കുകൾ കാരണം ഒരുമിച്ചുള്ള സമയം പലപ്പോഴും ലഭിക്കാറില്ലെന്നാണ് സുപ്രിയ പറയുന്നത്. പൃഥിയെ പോലെ ഒരു നടനെ വിവാഹം ചെയ്യുന്നത് ചലഞ്ചിംഗ് ആണ്. ഒരുമിച്ച് ഒരിടത്ത് താമസിക്കാൻ പറ്റില്ല. ഇതാണ് തങ്ങൾക്കിടയിലെ ഏറ്റവും വലിയ വഴക്കെന്നും സുപ്രിയ വെളിപ്പെടുത്തി. ഒരു സ്വകാര്യ മാദ്ധ്യമത്തിന് നൽകിയ അഭിമുഖത്തിലായിരുന്നു സുപ്രിയയുടെ വെളിപ്പെടുത്തൽ. ഇപ്പോൾ മകളും അച്ഛൻ കുറച്ച് കൂടി സമയം വീട്ടിലുണ്ടാകണമെന്ന് പറയുന്നുണ്ട്. പക്ഷെ സിനിമയാണ് ഇദ്ദേഹം ശ്വസിക്കുന്നതും കഴിക്കുന്നതെന്നും തനിക്കറിയാം. തങ്ങൾ പൃഥിയെ കാണാൻ ഒരുപാട് യാത്ര ചെയ്യാറുണ്ട്.പൃഥിക്ക് പ്രായമാകുമ്പോൾ വർക്ക് ലൈഫ് ബാലൻസ് ഉണ്ടാകുമെന്ന് കരുതുന്നു. ഇപ്പോഴത്തെ ബാലൻസ് വർക്ക് 90 ശതമാനവും ജീവിതം 10 ശതമാനവുമാണ്. 50-50 ആയില്ലെങ്കിലും 60-40 ആയാലും മതിയെന്നും സുപ്രിയ വ്യക്തമാക്കി.
ശക്തമായ പൊടിക്കാറ്റ് വീശാൻ സാധ്യത; ജാഗ്രതാ നിർദ്ദേശം

അബുദാബി: അബുദാബിയിൽ ശക്തമായ പൊടിക്കാറ്റ് വീശാൻ സാധ്യതയെന്ന് മുന്നറിയിപ്പ് നൽകി കാലാവസ്ഥാ നിരീക്ഷണ കേന്ദ്രം. എമിറേറ്റിന്റെ ചില പ്രദേശങ്ങളിലുള്ളവർ അധിക ജാഗ്രത പുലർത്തണമെന്ന് അധികൃതർ വ്യക്തമാക്കി. മണിക്കൂറിൽ 10-20 മുതൽ 35 കിലോമീറ്റർ വരെ വേഗത്തിൽ രാജ്യത്ത് കാറ്റ് വീശാൻ സാധ്യതയുള്ളതിനാൽ ചില സമയങ്ങളിൽ കാലാവസ്ഥ പൊടി നിറഞ്ഞതായിരിക്കുമെന്ന് അധികൃതർ അറിയിച്ചു. പൊടിപടലങ്ങൾ ദൃശ്യപരതയെ ബാധിച്ചേക്കാമെന്നും മുന്നറിയിപ്പുണ്ട്. അതിനാൽ വാഹനമോടിക്കുന്നവർ അജീവ ജാഗ്രതാ പാലിക്കേണ്ടതാണ്. പൊടിക്കാറ്റിന്റെ പശ്ചാത്തലത്തിൽ അൽ റുവൈസ്, അൽ മിർഫ, ഹബ്ഷാൻ, സില, ലിവയുടെ ചില ഭാഗങ്ങൾ തുടങ്ങിയ സ്ഥലങ്ങളിൽ കാലാവസ്ഥാ നിരീക്ഷണ കേന്ദ്രം യെല്ലോ അലേർട്ട് പ്രഖ്യാപിക്കുകയും ചെയ്തു.
പുതിയ ഇയർബഡ്‌സ് അവതരിപ്പിച്ച് മോട്ടറോള; വില വിവരങ്ങളും സവിശേഷതകളും അറിയാം

പുതിയ ഇയർബഡ്‌സ് അവതരിപ്പിച്ച് മോട്ടറോള. ഒറ്റ തവണ ചാർജ് ചെയ്തുകൊണ്ട് ഇയർബഡുകൾക്ക് 8 മണിക്കൂർ വരെയും കെയ്സ് ബാറ്ററി ബാക്കപ്പിൽ 42 മണിക്കൂർ വരെയും ചാർജ് നിൽക്കുന്ന പുതിയ മോട്ടോ ബഡ്സാണ് അവതരിപ്പിച്ചിരിക്കുന്നത്. 10 മിനിറ്റ് ചാർജ് ചെയ്താൽ 3 മണിക്കൂർ വരെ ബാക്കപ്പ് നൽകുന്ന ഫാസ്റ്റ് ചാർജിംഗ് മോട്ടോ ബഡ്സ് പ്ലസ് ഇയർബഡ്‌സുകൾക്കുണ്ട്. മോട്ടോ ബഡ്സ് പ്ലസിന് വയർലെസ് ചാർജ്ജിങ്ങുമുണ്ട്. മെയ് 15ന് ഉച്ചയ്ക്ക് 12 മണി മുതൽ ഫ്‌ളിപ്കാർട്ട്, മോട്ടറോള.ഇൻ എന്നിവയിൽ ഇയർബട്‌സ് വിൽപ്പനയ്ക്ക് എത്തും. ലോഞ്ച് വിലയായ 9999 രൂപ, 4999 രൂപ എന്നീ വിലയിൽ ഇവ ലഭ്യമാകും. ബാങ്ക് ഓഫറുകൾ ഉൾപ്പെടെ 7999 രൂപ, 3999 രൂപ എന്നീ വിലയിലും ലഭിക്കുന്നതാണ്. ഡോൾബി അറ്റ്മോസ്, ഡോൾബി ഹെഡ് ട്രാക്കിംഗ്, 46ഡിബി നോയിസ് ക്യാൻസലേഷനും 3.3കെഹേർട്‌സ് വരെ അൾട്രാവൈഡ് നോയ്സ് ക്യാൻസലേഷൻ ഫ്രീക്വൻസി റേഞ്ചും, ആംബിയന്റ് നോയ്സ്, വാട്ടർ റിപ്പല്ലന്റ് തുടങ്ങിയവയാണ് മറ്റ് സവിശേഷതകൾ. സ്റ്റാർലൈറ്റ് ബ്ലൂ, ഗ്ലേസിയർ ബ്ലൂ, കോറൽ പീച്ച് തുടങ്ങിയ നിറങ്ങളിൽ ഇവ ലഭിക്കും.
രണ്ട് ദിവസത്തെ സ്വകാര്യ സന്ദർശനം; മുഖ്യമന്ത്രി ദുബായിലെത്തി

ദുബായ്: മുഖ്യമന്ത്രി പിണറായി വിജയൻ ദുബായിലെത്തി. രണ്ട് ദിവസത്തെ സ്വകാര്യ സന്ദർശനത്തിന് വേണ്ടിയാണ് അദ്ദേഹം ദുബായിൽ എത്തിയത്. ബുധനാഴ്ച പുലർച്ചെയാണ് അദ്ദേഹം ദുബായിലെത്തിയത്. കുടുംബവും അദ്ദേഹത്തോടൊപ്പം ഉണ്ടായിരുന്നു. മുഖ്യമന്ത്രി ദുബായിലെത്തിയത് ഇൻഡൊനീഷ്യയും, സിംഗപ്പൂരും സന്ദർശിച്ച ശേഷമാണ്. മെയ് ആറിനാണ് മുഖ്യമന്ത്രി കുടുംബത്തോടൊപ്പം വിദേശ യാത്ര ആരംഭിച്ചത്. ദുബായ് വഴിയായിരുന്നു യാത്രയെങ്കിലും ട്രാൻസിറ്റ് ആയിരുന്നതിനാൽ അന്ന് വിമാനത്താവളത്തിൽ നിന്ന് പുറത്തിറങ്ങിയിരുന്നില്ല. രണ്ടു ദിവസം ദുബായിൽ ഉണ്ടാകുമെങ്കിലും അദ്ദേഹം പരിപാടികളിലൊന്നും പങ്കെടുക്കില്ലെന്നാണ് റിപ്പോർട്ട്.